Premer-ministrdıŋ bırınşı orynbasary Nūrlybek Nälıbaevtyŋ töraǧalyǧymen Memleket basşysynyŋ Ūlytau oblysyn keşendı damytu jönındegı tapsyrmalaryn jüzege asyru aiasynda ortalyq memlekettık organdardyŋ, ūlttyq kompaniialardyŋ, ırı biznes ökılderınıŋ jäne Ūlytau oblysy äkımdıgınıŋ qatysuymen öŋırdıŋ äleumettık-ekonomikalyq damuy men basym investisiialyq jobalardy jüzege asyru mäselelerı boiynşa keŋes öttı.
Keŋeste öŋırdıŋ ornyqty damuy, halyqtyŋ ömır süru sapasyn arttyru, injenerlık jäne äleumettık infraqūrylymdy jaŋǧyrtu, sondai-aq Jezqazǧan qalasynyŋ bas josparyn jüzege asyru mäselelerı qaraldy.
Jezqazǧanda Kongress ortalyǧyn, universitettı, inkliuzivtı sport ortalyǧyn jäne äleumettık qyzmet körsetu ortalyǧyn salu, sondai-aq sport, bılım beru, mädeniet nysandary men injenerlık infraqūrylym jobalaryn jüzege asyru barysy talqylandy.
Sonymen qatar 2026-2029 jyldarǧa arnalǧan 58 biudjettık investisiialyq jobadan tūratyn öŋırlık jobalar puly qaralyp, olardyŋ injenerlık, äleumettık jäne jol-kölık infraqūrylymyn damytuǧa, tūrǧyn üi qūrylysyna jäne öŋırdıŋ investisiialyq tartymdylyǧyn arttyruǧa baǧyttalǧany aityldy.
Nūrlybek Nälıbaev Memleket basşysynyŋ tapsyrmalaryn sapaly ärı uaqtyly oryndaudyŋ maŋyzyn atap ötıp, jobalardy qarjylandyru men jobalyq qūjattamany jedel äzırleudı tapsyrdy.
Keŋes qorytyndysy boiynşa jauapty memlekettık organdarǧa, ūlttyq kompaniialarǧa, ırı biznes ökılderı men oblys äkımdıgıne investisiialyq jobalardy uaqtyly jüzege asyru jäne olardyŋ oryndaluyn tūraqty baqylauda ūstau jönınde naqty tapsyrmalar berıldı.
