Premer-ministr Oljas Bektenovtıŋ töraǧalyǧymen ötken Ükımet otyrysynda Memleket basşysy Qasym-Jomart Toqaevtyŋ «Jasandy intellekt däuırındegı Qazaqstan: özektı mäseleler jäne ony tübegeilı sifrlyq özgerıster arqyly şeşu» atty Joldauyn jüzege asyru jönındegı jalpyūlttyq ıs-şaralar jospary qaraldy.
Premer-ministr Memleket basşysy Joldauda elımızdı damudyŋ jaŋa deŋgeiıne köteru üşın jüielı şaralar keşenın qabyldaudy tapsyrǧanyn atap öttı. Ükımettıŋ aldyna ekonomikaǧa, agrosektorǧa jäne logistika men tūrǧyn üi-kommunaldyq şaruaşylyq salasyna sifrlyq şeşımder men jasandy intellektını engızu boiynşa naqty mındetter qoiyldy.
«Bız Prezidenttıŋ investisiialyq ahualdy jaqsartu, negızgı salalardy jaŋǧyrtu, memlekettıŋ tiımdılıgın arttyru jäne mūqtaj adamdardy äleumettık qamsyzdandyruǧa baǧyttalǧan strategiialyq bastamalaryn ıske asyru üşın nätijelı şaralar qabyldaimyz. Jappai sifrlyq transformasiia, ekonomikany jaŋǧyrtu jäne adam kapitalyn nyǧaitu arqyly elımızdıŋ ornyqty damuyn qamtamasyz etuımız qajet. Memleket basşysynyŋ Joldauyn jüzege asyru jönındegı jalpyūlttyq ıs-şaralar jospary alǧa qoiylǧan barlyq mındetterge sai keledı. Memlekettık organdardyŋ bırınşı basşylary jospardaǧy ıs-şaralardyŋ sapaly ärı uaqtyly oryndaluyn qamtamasyz etuı tiıs. Barlyq qarjylandyru mäselelerın şūǧyl şeşu qajet»,- dep atap öttı Oljas Bektenov.
Dauys beru barysynda jalpyūlttyq jospar jobasy bırauyzdan qoldau tapty. Ūlttyq ekonomika ministrlıgıne Ükımet Apparatymen bırlesıp, Memleket basşysynyŋ tiıstı Jarlyǧynyŋ jobasyn Prezident Äkımşılıgıne engızu tapsyryldy. Premer-ministrdıŋ orynbasarlary erejelerge säikes Jospardyŋ jüzege asyryluyn baqylaudy jäne üilestırudı qamtamasyz etedı.
