Qaraǵandyda sý tasqyny saldarynan turǵyndardy evakýaııalaýǵa poıyz bólindi, dep habarlaıdy "Adyrna" ulttyq portaly.
Ulttyq tasymaldaýshy sý tasqynyna baılanysty Qaraǵandy oblysynyń turǵyndaryn evakýaııalap jatyr.
Qaraǵandy oblysynyń Aqsý-Aıýly kentinde aýa raıynyń nasharlaýy men qardyń qarqyndy erýi Sherýbaı-Nura ózeniniń shekten tys tolýy saldarynan «Ekaterınbýrg-Almaty» tas jolynyń ýaqytsha jabylýyna ákeldi. Osyǵan baılanysty «Jolaýshylar tasymaly» AQ Qaraǵandy oblysynyń turǵyndaryn evakýaııalaýdy uıymdastyrýda, - delingen málimette.
Eń alǵashqy №8801/8802 «Qaraǵandy-Balqash-2» baǵytynda poıyz Qaraǵandydan 30 naýryz kúni saǵat 14:53-te jóneltilgen.
Sondaı-aq kelesi 1 reıske jolaýshylar poıyzdaryna qosymsha vagondar taǵaıyndalǵan. «Qaraǵandy-Balqash-2» baǵytyndaǵy №606 poıyz Qaraǵandydan 30 naýryzda saǵat 19:40-ta jóneltilip, 31 naýryz kúni Balqashqa saǵat 06:25-te keledi.
«Balqash-2-Qaraǵandy» baǵytyndaǵy №605 poıyz 30 naýryz kúni saǵat 22:50-de Balqashtan jóneltilip, 31 naýryz kúni saǵat 8:20-da Qaraǵandyǵa keledi.
Qosymsha vagondardyń kómegimen sý basqan aımaqtardan 1200-den astam turǵyndy tasymaldaý múmkin bolǵan. Al anyqtamalyq aqparat alǵysy keletinder «1433» nómiri boıynsha habarlasa alady.
Eske sala keteıik, osyǵan deıin elimizdiń 10 oblysynda sý tasqynyna baılanysty tótenshe jaǵdaı jarııalanǵanyn habarlaǵan edik.
