Poiyzdyŋ qauıpsızdıgı – maşinistıŋ käsıbilıgınde. Myŋdaǧan jolauşynyŋ ömırı men bır qaladan ekınşı qalaǧa jüktıŋ jetuı osy mamannyŋ qolynda. Ol temır joldyŋ tärtıbın jıtı qadaǧalaityn, közge köp körınbeitın, bıraq ülken jauapkerşılıktı arqalaityn maman. Sondai jandardyŋ bırı maşinist Erkın Sovethanovpen bolǧan BAQ.KZ tılşısınıŋ sūhbatyn nazarlaryŋyzǧa ūsynamyz.
- Maşinstıŋ jūmys künı qalai bastalady?
- Maşinistıŋ jūmys künı arnaiy tärtıppen bastalady. Bızge jūmysqa şyǧu uaqyty turaly aldyn ala, iaǧni ekı saǧat būryn habar berıledı. Sol kezde qai baǧytqa baratynymyz naqty aitylady. Aldymen depoǧa kelıp, "jüru baǧyty" dep atalatyn resmi qūjatty alamyz. Qūjatta sapar marşruty men qozǧalys tärtıbı körsetıledı. Sodan keiın mındettı türde medisinalyq tekserısten ötemız qan qysymy, jürek soǧysy, jalpy jaǧdaiymyz qaralady. Iаǧni, sapar qauıpsızdıgı üşın öte maŋyzdy kezeŋ. Medisinalyq tekserısten keiın özımızben bırge alyp şyǧatyn arnaiy jabdyqtarymyzdy alamyz. Osydan soŋ lokomotivtı qabyldau prosesı bastalady. Lokomotivtıŋ tehnikalyq jai-küiın tekseremız. Tejegış jüiesı, jaryq şamdary, qozǧaltqyştardyŋ jūmys ısteuı jäne basqa da maŋyzdy jüieler mūqiiat qaralady. Barlyǧy talapqa sai bolsa, jūmysqa kırısemız.
- Nege būl mamandyqty taŋdadyŋyz?
- Otbasym temırjolşylar äuletı desem qatelespeimın. Äkem ömır boiy osy salada eŋbek ettı, al anam temırjolda operator bolyp jūmys ıstegen. Üide künd temırjol turaly äŋgıme aitylatyn. Poiyzdar qozǧalysy, vagondar, dispetcherlık bailanys, tehnikalyq qiyndyqtar men jetıstıkter jaily. Balalyq şaǧymda sol äŋgımelerdı tyŋdap ösken soŋ osy mamandyqty taŋdadym. Qazır öz mamandyǧymdy şyn jüregımmen jaqsy köremın. Maşinist bolu – jai ǧana mamandyq emes, būl – mınez, tärtıp, ömır salty.
- Qazırgı temırjol jüiesınıŋ sifrlanuyna qatysty ne aitasyz?
Būryn lokomotivterde bärı qolmen basqarylatyn. Qazır zamanaui tehnologiia keldı. Bügınde ortalyqtandyrylǧan baqylau, monitorlar, avtomatty tırkeu jüielerı jūmys ısteidı. Jūmystyŋ köp bölıgı sifrlyq jüiege köşıp jatyr.
- Maşinist mamandyǧynyŋ qiyndyqtary qandai?
Maşinist bolu ülken jauapkerşılık. Bız keide 12 saǧat boiy relste jüremız. Şarşasaŋ da, relsten auytquǧa bolmaidy. Är şeşımıŋ naqty, jyldam ärı dūrys boluy kerek. Sol üşın de maşinistke tek bılıktılık emes, ışkı daiyndyq jäne jauapkerşılık maŋyzdy.
- Sūhbat bergenıŋızge rahmet!
