Qytaidyŋ Şandun provinsiiasynda TP200 köpmaqsatty azamattyq ūşqyşsyz ūşu apparatynyŋ alǧaşqy synaqtary sättı öttı. Būl – ūşu qaşyqtyǧy 3 myŋ şaqyrymǧa deiın jetetın, tonna sanatyndaǧy Qytaidaǧy alǧaşqy auyr dron, dep habarlaidy «Adyrna» tılşısı Xinhua agenttıgıne sılteme jasap.
Äzırleuşılerdıŋ mälımetınşe, eŋ joǧary kreiserlık jyldamdyǧy saǧatyna 200 şaqyrym bolatyn apparat tolyq jüktememen 24 saǧattan astam uaqyt äuede bola alady jäne 7 myŋ metr biıktıkke köterıledı. Ūşu apparatyna köterılu men qonu üşın nebärı 300 metrlık jolaq jetkılıktı.
«Alǧaşqy ūşu kezınde TP200 qysqa qaşyqtyqtan ūşu jäne qonu mümkındıkterın joǧary deŋgeide körsettı. Apparattyŋ tūraqtylyǧy kütkenımızden de asyp tüstı. Būl injenerlık esepteuler men jüielık integrasiianyŋ däldıgın tolyq rastady»,– dedı bas konstruktor Fan Lian.
Äzırleuşıler jaŋa modeldıŋ tolyqtai otandyq bölşekterden qūrastyrylǧanyn atap öttı. Moduldık qūrylymynyŋ arqasynda TP200 ört söndıru, şalǧai aimaqtarǧa jük jetkızu, patruldeu jäne ekologiialyq monitoring jürgızu siiaqty türlı mındetterge beiımdele alady.
