Qazaqstan Respýblkasynyń Prezıdenti Qasym-Jomart Toqaev qaıtadan Máskeýge at basyn burdy. Memleket basshysy Reseı astanasyna 25 mamyr kúni ótetin Joǵary Eýrazııalyq ekonomıkalyq keńestiń otyrysyna qatysý úshin bardy, dep habarlaıdy "Adyrna" ulttyq portaly Aqordanyń baspasóz qyzmetine silteme jasap.
Búgin Prezıdent «Kóppolıarly álemdegi eýrazııalyq ıntegraııa» atty Eýrazııalyq ekonomıkalyq forýmynyń plenarlyq otyrysyna qatysady.
Memleket basshysy Qasym-Jomart Toqaevpen qatar forýmǵa Reseı basshysy Vladımır Pýtın, Belarýs prezıdenti Aleksandr Lýkashenko, Qyrǵyzstan basshysy Sadyr Japarov qatysady, sondaı-aq Qytaı Halyq Respýblıkasynyń Tóraǵasy Sı zınpın beınebaılanys rejıminde sóz sóıleıdi dep josparlanyp otyr.
Oraıy kelgende aıta keteıik, budan buryn, 9 mamyr kúni, Máskeýde ótken áskerı sherýge barǵan el basshysynyń sapary da qoǵamdyq pikir týdyrǵan edi. Prezıdenttiń aldyńǵy sapary jaıly Májilis tóraǵasy Erlan Qoshanov bylaı dep jaýap bergen.
- Men bul sapardy óte durys sapar dep esepteımin. Sebebi Uly otan soǵysy – bizdiń ortaq tarıhymyz. Uly jeńis ol da bizdiń ortaq tarıhymyz. Sondyqtan sol baýyrlas memleketterdiń basshylarynyń barlyǵy derlik keshegi paradta boldy. Bul bizdiń soǵysta sheıt bolǵan ata-babalarymyzǵa arnalǵan qurmet dep oılaımyn. Bul jerde bul máseleni saıasılandyrýdyń qajeti joq. Bul bir. Ekinshiden, bizdiń Qazaqstannyń ózinen 1 mln 200 myńǵa jýyq adam soǵysqa ketti. Sol soǵystan bizdiń áke, atalarymyzdyń jartysy oralmady. Olardyń kóbisi Reseı jerinde jatyr. Jaýyngerlerdiń izdeýshisi, joqtaýshysy bolýy kerek pe, bolmaýy kerek pe? Izdeýshisi, joqtaýshysy kim bolýy kerek? Meniń oıymsha, qazaq halqy men prezıdentimiz bolýy kerek. Prezıdenttiń saparyn zerdelep saralaıtyn bolsańyz, birinshi kezekte prezıdent Astanadaǵy «Otan qorǵaýshylar» memorıalyna gúl shoǵyn qoıyp, elimizdegi Otan qorǵaýshylarǵa taǵzym etti, - deıdi Májilis tóraǵasy.
Ol óziniń portal jýrnalısine bergen suhbatynda "Prezıdent - qazaq jaýyngeriniń joqtaýshysy" dep aıtqany kópshiliktiń áli esinde.
"Adyrna" ulttyq portaly
