Foto: TASS
Qazaqstan Prezidentı Qasym-Jomart Toqaev Resei men Ukraina arasyndaǧy qaqtyǧysty uaqytşa toqtatuǧa şaqyryp, öz ūstanymyn aitty, dep habarlaidy "Adyrna" ūlttyq portaly.
Qazaqstan Prezidentı Toqaev Resei basşysy Putinmen Ombyda ötken kezdesude ekı el arasyndaǧy qaqtyǧysqa toqtaldy.
Memleket basşysy Qazaqstannyŋ beibıtşılık pen dialogty qoldaitynyn aitty.
«Qazaqstan böten el emes. Degenmen türlı ūsynystarǧa qaramastan, men araaǧaiyn boludan üzıldı-kesıldı bas tartamyn. Öitkenı Resei – ūly memleket, al orys halqy – ūly halyq. Sondyqtan kün tärtıbındegı mäselelerdı Reseidıŋ özı syrtqy araaǧaiynsyz-aq şeşe alady dep esepteimın», – dedı Qasym-Jomart Toqaev.
Sonymen qatar Prezident Resei men Ukraina arasyndaǧy äskeri ıs-qimyldardy toqtatudyŋ maŋyzdylyǧyna toqtalyp, qaqtyǧystyŋ jaǧdaiy turaly aitty.
"Būl jerde qandai da bır azamattyq soǧys turaly söz bolyp otyrǧan joq. Bız ukrain halqyna, onyŋ mädenietı men tılıne ärdaiym qūrmetpen qaradyq. Sondyqtan būl qaqtyǧystyŋ tabiǧaty köpşılıkke, sonyŋ ışınde bızge de tolyq tüsınıktı emes dep esepteimız. Mysaly, Äzerbaijan men Armeniia arasyndaǧy, onyŋ ışınde ūzaq uaqytqa sozylǧan qaqtyǧystyŋ mänı men şyǧu törkını bızge anyq edı. Öitkenı onyŋ tarihi sebepterı tereŋde jatyr. Al būl jaǧdaidyŋ mänın tüsınu äldeqaida qiyn", - dedı Prezident.
Memleket basşysy öz sözınde 2022 jyly Ystambūlda ötken kelıssözderdıŋ nätijelerıne süienetın «Ystambūl formulasy 2.0» nūsqasyn qarastyrudy ūsyndy.
«Mümkın, būl qaqtyǧysty uaqytşa toqtatyp, Ystambūl formulasy 2.0-ge qaita oralu kerek şyǧar. Öitkenı sol kezde aitarlyqtai nätijelerge qol jetkızılgen edı», – dedı Prezident Qasym-Jomart Toqaev.
Osylaişa, Memleket basşysy Qazaqstannyŋ syrtqy saiasattaǧy ūstanymy beibıt dialogty qoldauǧa baǧyttalǧanyn, sonymen bırge eldıŋ halyqaralyq daularda araǧaiyndyq missiiany öz moinyna almaitynyn atap öttı.
RİA agenttıgınıŋ mälımetınşe, Resei basşysy būl mäsele boiynşa Qazaqstan Prezidentıne jeke kezdesu barysynda jan-jaqty aqparat beretının aitqan. «Ukraina baǧytyna qatysty aitatyn bolsaq, bügıngı äŋgımemız barysynda sızge būl jönınde tolyq mälımet beremın», – degen Vladimir Putin.
