"Qazgıdromet" RMK jeksenbi, 21 sáýir kúnine Qazaqstan boıynsha aýa raıy boljamyn jarııalady, dep habarlaıdy “Adyrna” ulttyq portaly.
Boljamǵa sáıkes, elimizdiń kóp aımaqtarynda jel turady, ońtústik-shyǵysta shańdy daýyl, ońtústik óńirde daýyl bolady dep kútiledi.
"Respýblıkamyzdyń basym bóligi keń aýqymdy antııklonnyń yqpalynda bolady, soǵan sáıkes jaýyn-shashynsyz aýa raıy saqtalady, tek kúndiz Qazaqstannyń ońtústik-batysynda jáne qıyr soltústiginde azdap jańbyr jaýady dep kútiledi. Sondaı-aq respýblıkamyzdyń ońtústiginde, ońtústik-shyǵysyndaǵy taýly aýdandarda atmosferalyq frontaldy bólikterdiń ótýine baılanysty naızaǵaı jarqyldap, jańbyr jaýady dep boljanady. Qazaqstan boıynsha jeldiń kúsh alýy túrinde ortaq tabıǵı qubylys baıqalady. Qazaqstannyń ońtústik-batysynda, soltústik-batysynda, ońtústiginde, ońtústik-shyǵysynda shańdy daýyl turady, al soltústiginde túngi jáne tańerteńgi ýaqyttarda tuman bolady dep kútiledi” delingen "Qazgıdromet" RMK habarlamasynda.
