Mausym aiyndaǧy zertteu el damuyna qatysty baǧalardyŋ tūraqty ekenın körsetıp otyr. Būl – taŋdalǧan baǧytqa qatysty qoǧamda konsensus saqtalyp otyrǧanyn jäne äleumettık köŋıl-küidıŋ ornyqty bolyp otyrǧanyn körsetedı. Respondentterdıŋ basym bölıgı (79,4%) el dūrys baǧytta damyp kele jatyr dep sanaidy.
Pıkırlerdıŋ oŋ serpını äleumettık-ekonomikalyq jaǧdaiǧa qatysty da baiqalady. Mausym aiynda respondentterdıŋ 73,6%-y būl jaǧdaiǧa oŋ baǧa bergen. Būl ürdıs halyqtyŋ qazırgı ahualdy qabyldauynda tūraqtanu üderısı jürıp jatqanyn körsetedı.
Saiasi jaǧdai da negızınen oŋ baǧalanady: respondentterdıŋ 76,2%-y qazırgı jaǧdaiǧa qanaǧattanatyndaryn bıldırgen.
Qoǧam tarapynan berılgen joǧary oŋ baǧalar köbıne saiasi, äleumettık-ekonomikalyq jäne psihologiialyq faktorlardyŋ jiyntyǧyna bailanysty. Olardyŋ qatarynda JIÖ-nıŋ 6%-ǧa ösuı, jaŋa infraqūrylymdyq jäne äleumettık nysandardyŋ salynuy men ıske qosyluy, TKŞ jäne kölık infraqūrylymyn jöndeu men jaŋǧyrtu jūmystary bar.
Atalǧan sosiologiialyq zertteudı Qoǧamdyq saiasat instituty 2025 jyly 18 mausym men 4 şılde aralyǧynda jürgızdı. Saualnamaǧa 18 jastan asqan 2000 qazaqstandyq qatysty. Saualnama ūlttyq reprezentativtı ırıkteme boiynşa jürgızıldı. Irıktemenıŋ qatelık mölşerı ±2,2%-dan aspaidy.
Respondentterdıŋ 79,4%-y el dūrys baǧytta damyp keledı dep sanaidy
31.07.2025
885
Ūqsas jaŋalyqtar
Pıkırler
