Baizaq audanynda prokuratura jetım balalar men ata-anasynyŋ qamqorlyǧynsyz qalǧan studentterdıŋ būzylǧan qūqyqtaryn qalpyna keltırdı, dep habarlaidy “Adyrna” ūlttyq portaly QazAqparatqa sıltep.
Baizaq audany prokuraturasynyŋ mälımetınşe, jürgızılgen taldau barysynda «Baizaq №3 kolledjı» kommunaldyq memlekettık qazynalyq käsıpornynda jetım balalar men ata-anasynyŋ qamqorlyǧynsyz qalǧan balalardyŋ qūqyqtarynyŋ būzylǧany anyqtalǧan.
Tekseru nätijesınde jetım jäne ata-anasynyŋ qamqorlyǧynsyz qalǧan 7 studentke, sondai-aq mügedektıgı bar 1 studentke zaŋmen közdelgen äleumettık kepıldıkterdıŋ berılmegenı belgılı boldy.
Atap aitqanda, studentterge kanikul kezınde demaluǧa joldamalar ūsynylmaǧan, jol jüru jäne täulıktık şyǧyndary ötelmegen, kiım-keşekpen qamtamasyz etılmegen. Sonymen qatar ekı ailyq eseptık körsetkış kölemındegı bırjolǧy äleumettık kömek te tölenbegen.
Atalǧan zaŋ būzuşylyqtarǧa bailanysty kolledj basşylyǧynyŋ atyna prokurorlyq qadaǧalau aktısı engızıldı. Nätijesınde anyqtalǧan kemşılıkter tolyq joiylyp, studentterdıŋ äleumettık qūqyqtary qalpyna keltırıldı.
