QR Ortalyq kommunikasiialar qyzmetınde ötken brifing barysynda ŞQO äkımı Danial Ahmetov tehnikalyq jäne käsıptık bılım beru salasy turaly aityp berdı.
Biyl Eŋbek jäne äleumettık qorǧau ministrlıgı jürgızgen saraptama jūmystarynyŋ nätijesınde joǧary sūranysqa ie 100 mamandyqtyŋ 65-sı tehnikalyq jäne käsıptık bılım beru salasynyŋ mamandary ekenı anyqtaldy. Onyŋ ışınje IT-mamandar, 3D modeldeu jäne baǧdarlamalau boiynşa injenerler, "aqyldy qala" salu üşın säuletşıler men jobalauşylar, multimediialyq jäne grafikalyq dizainerler, öndırıstı avtomattandyratyn mamandar bar.
Bügınde eŋbek naryǧy jaŋa tehnologiialardy jetık meŋgeretın mamandardy talap etedı. Sondyqtan tehnikalyq jäne käsıptık bılım beru salasyna basa nazar audaru qajet. Osy baǧytta oblysta tiıstı şaralar jürgızılude. Tehnikalyq jäne käsıptık bılım beru baǧdarlamasyn damytudyŋ kezeŋdık jospary qūrylǧan. Aǧymdaǧy jyly oblystaǧy 14 kolledjdegı 32 kabinet qaita jabdyqtaldy. Bolaşaq jas mamandarǧa sapaly bılım beru üşın öndırıs oryndarymen tyǧyz qarym-qatynasta jūmys ıstelude. Semeidegı Elektrotehnikalyq kolledj ben Öskemendegı politehnikalyq kolledjdıŋ bazasynda IT-baǧyttaǧy ortalyqtar aşylǧan. Oǧan oblystyq biudjetten 398 mln teŋge bölındı. Öskemendegı köpsalaly tehnologiialyq kolledjde "KAZMINERALS"-tıŋ qoldauymen arnaiy ortalyq aşyldy. Oǧan qajettı qūral-jabdyqtardy aluǧa 300 mln teŋge bölındı.
"Jas maman" respublikalyq jobasy aiasynda 2021 jylǧa deiın oblysta önerkäsıp, qyzmet körsetu, qūrylys jäne kölık siiaqty 8 ortalyq aşylady.
Jalpy, tehnikalyq jäne käsıptık bılım beru mekemelerın investisiialauǧa 7 mlrd teŋge qarastyrylǧan.
Baǧdarlamanyŋ basty maqsaty - 2022 jylǧa deiın ortaşa bılım alǧan mamandardyŋ käsıbilıgın 24%-ǧa köterıp, kolledj tülekterınıŋ 16%-yn jūmyspen qamtamasyz etu.
Aita keteiık, ŞQO-daǧy kolledjderdıŋ studentterı halyqaralyq WorldSkills qozǧalysyna qatysyp, jūmysşy mamandyqtarynyŋ maŋyzdy röl atqaratynyn däleldep jür. Soŋǧy ekı jyldyŋ kölemınde bızdıŋ oblystyŋ qūramasy respublikalyq jarysta köşbasşy atandy. Oǧan dälel de jeterlık. Qazaqstan qūramasy (komandanyŋ negızın ŞQO-nyŋ jastary qūrady) 45-şı WordSkills Kazan älemdık chempionatynda jüldemen oraldy. "Aviasiialyq jüienı pilotsyz basqaru" rejimı boiynşa qazaqstandyqtar mehatronika boiynşa «Medallion for Excellence» jäne "Vest of national» medaldaryn ielendı.
«Adyrna» portaly
Ūqsas jaŋalyqtar
