QR Ortalyq kommýnıkaııalar qyzmetinde ótken brıfıng barysynda ShQO ákimi Danıal Ahmetov tehnıkalyq jáne kásiptik bilim berý salasy týraly aıtyp berdi.
Bıyl Eńbek jáne áleýmettik qorǵaý mınıstrligi júrgizgen saraptama jumystarynyń nátıjesinde joǵary suranysqa ıe 100 mamandyqtyń 65-si tehnıkalyq jáne kásiptik bilim berý salasynyń mamandary ekeni anyqtaldy. Onyń ishinje IT-mamandar, 3D modeldeý jáne baǵdarlamalaý boıynsha ınjenerler, "aqyldy qala" salý úshin sáýletshiler men jobalaýshylar, mýltımedııalyq jáne grafıkalyq dızaınerler, óndiristi avtomattandyratyn mamandar bar.
Búginde eńbek naryǵy jańa tehnologııalardy jetik meńgeretin mamandardy talap etedi. Sondyqtan tehnıkalyq jáne kásiptik bilim berý salasyna basa nazar aýdarý qajet. Osy baǵytta oblysta tıisti sharalar júrgizilýde. Tehnıkalyq jáne kásiptik bilim berý baǵdarlamasyn damytýdyń kezeńdik jospary qurylǵan. Aǵymdaǵy jyly oblystaǵy 14 kolledjdegi 32 kabınet qaıta jabdyqtaldy. Bolashaq jas mamandarǵa sapaly bilim berý úshin óndiris oryndarymen tyǵyz qarym-qatynasta jumys istelýde. Semeıdegi Elektrotehnıkalyq kolledj ben Óskemendegi polıtehnıkalyq kolledjdiń bazasynda IT-baǵyttaǵy ortalyqtar ashylǵan. Oǵan oblystyq bıýdjetten 398 mln teńge bólindi. Óskemendegi kópsalaly tehnologııalyq kolledjde "KAZMINERALS"-tiń qoldaýymen arnaıy ortalyq ashyldy. Oǵan qajetti qural-jabdyqtardy alýǵa 300 mln teńge bólindi.
"Jas maman" respýblıkalyq jobasy aıasynda 2021 jylǵa deıin oblysta ónerkásip, qyzmet kórsetý, qurylys jáne kólik sııaqty 8 ortalyq ashylady.
Jalpy, tehnıkalyq jáne kásiptik bilim berý mekemelerin ınvestıııalaýǵa 7 mlrd teńge qarastyrylǵan.
Baǵdarlamanyń basty maqsaty - 2022 jylǵa deıin ortasha bilim alǵan mamandardyń kásibıligin 24%-ǵa kóterip, kolledj túlekteriniń 16%-yn jumyspen qamtamasyz etý.
Aıta keteıik, ShQO-daǵy kolledjderdiń stýdentteri halyqaralyq WorldSkills qozǵalysyna qatysyp, jumysshy mamandyqtarynyń mańyzdy ról atqaratynyn dáleldep júr. Sońǵy eki jyldyń kóleminde bizdiń oblystyń quramasy respýblıkalyq jarysta kóshbasshy atandy. Oǵan dálel de jeterlik. Qazaqstan quramasy (komandanyń negizin ShQO-nyń jastary qurady) 45-shi WordSkills Kazan álemdik chempıonatynda júldemen oraldy. "Avıaııalyq júıeni pılotsyz basqarý" rejımi boıynsha qazaqstandyqtar mehatronıka boıynsha «Medallion for Excellence» jáne "Vest of national» medaldaryn ıelendi.
«Adyrna» portaly
