Almaty oblysynda 16 jastaǧy Şerzat Polattyŋ ölımıne bailanysty tergeu aiaqtalyp, ıs sotqa joldau üşın prokuraturaǧa jıberıldı, dep habarlaidy "Adyrna" ūlttyq portaly.
Almaty oblysynyŋ polisiia departamentı mälımetınşe, tergeu barysynda 40 sot-medisinalyq saraptama jürgızılıp, 200-ge juyq kuägerden jauap alynǧan. Sondai-aq, 8 beinematerial zerttelıp, küdıktılerdıŋ barlyǧyna qūqyqtyq baǧa berıldı.
"Qylmystyq ıstıŋ kölemı – 62 tom. Ärbır tergeu äreketı zaŋ talaptaryna säikes jürgızıldı. Tergeu prosesınde aşyqtyq pen obektivtılık qamtamasyz etıldı. Sonymen qatar, tergeu barysy men konstitusiialyq qūqyqtardyŋ saqtaluyn prokuratura baqylauyna aldy", – dep mälımdedı qūqyq qorǧau organdary.
2023 jyldyŋ 4 qazanyna qaraǧan tünı Talǧar qalasynda jasöspırım Şerzat Polat qaza tapqan. Būl oqiǧa qoǧamda ülken rezonans tudyryp, jäbırlenuşınıŋ tuystary men tūrǧyndar ädıl tergeu jürgızudı talap etıp, narazylyq ūiymdastyrdy.
Köp ūzamai, 12 qazanǧa qaraǧan tünı küdıktılerdıŋ bırı sanalatyn Nūrymovtar otbasynyŋ üiı tolyǧymen örtenıp kettı. Bas prokuratura būl örttıŋ qasaqana ūiymdastyrylǧanyn mälımdedı. Jergılıktı bilık zardap şekken otbasyǧa uaqytşa baspana men täulık boiy küzet berıp, üidı qalpyna keltıruge uäde ettı.
Sondai-aq, 9 jeltoqsanda Şerzat Polattyŋ ölımıne bailanysty tergeu barysynda onyŋ aǧasynyŋ mäiıtı tabyldy. Polisiia onyŋ öz-özıne qol jūmsaǧanyn habarlady.
Qazırgı uaqytta ıs sotqa jıberıluge daiyn, al qoǧam ökılderı ädıl şeşım şyǧaryluyn kütıp otyr.
Ūqsas jaŋalyqtar
