Almaty oblysynda 16 jastaǵy Sherzat Polattyń ólimine baılanysty tergeý aıaqtalyp, is sotqa joldaý úshin prokýratýraǵa jiberildi, dep habarlaıdy "Adyrna" ulttyq portaly.
Almaty oblysynyń polıııa departamenti málimetinshe, tergeý barysynda 40 sot-medıınalyq saraptama júrgizilip, 200-ge jýyq kýágerden jaýap alynǵan. Sondaı-aq, 8 beınematerıal zerttelip, kúdiktilerdiń barlyǵyna quqyqtyq baǵa berildi.
"Qylmystyq istiń kólemi – 62 tom. Árbir tergeý áreketi zań talaptaryna sáıkes júrgizildi. Tergeý proesinde ashyqtyq pen obektıvtilik qamtamasyz etildi. Sonymen qatar, tergeý barysy men konstıtýııalyq quqyqtardyń saqtalýyn prokýratýra baqylaýyna aldy", – dep málimdedi quqyq qorǵaý organdary.
2023 jyldyń 4 qazanyna qaraǵan túni Talǵar qalasynda jasóspirim Sherzat Polat qaza tapqan. Bul oqıǵa qoǵamda úlken rezonans týdyryp, jábirlenýshiniń týystary men turǵyndar ádil tergeý júrgizýdi talap etip, narazylyq uıymdastyrdy.
Kóp uzamaı, 12 qazanǵa qaraǵan túni kúdiktilerdiń biri sanalatyn Nurymovtar otbasynyń úıi tolyǵymen órtenip ketti. Bas prokýratýra bul órttiń qasaqana uıymdastyrylǵanyn málimdedi. Jergilikti bılik zardap shekken otbasyǵa ýaqytsha baspana men táýlik boıy kúzet berip, úıdi qalpyna keltirýge ýáde etti.
Sondaı-aq, 9 jeltoqsanda Sherzat Polattyń ólimine baılanysty tergeý barysynda onyń aǵasynyń máıiti tabyldy. Polıııa onyń óz-ózine qol jumsaǵanyn habarlady.
Qazirgi ýaqytta is sotqa jiberilýge daıyn, al qoǵam ókilderi ádil sheshim shyǵarylýyn kútip otyr.
