Pavlodar oblysynyŋ Uspen audanynda qatty jel saldarynan elektr jelılerı men tūrǧyn üilerge zaqym keldı, dep habarlaidy "Adyrna" ūlttyq portaly.
Būl turaly audan äkımdıgı habarlady.
Äkımdıktıŋ mälımetınşe, 21 şılde künı saǧat 15:55-te Qoŋyrözek auyldyq okrugıne qarasty Qoŋyrözek, Chistopol, Voznesenka jäne Nadarovka auyldarynda 10 kV äue elektr jelısınıŋ jetı baǧanasy zaqymdanǧan. Qazır apattyq-qalpyna keltıru jūmystaryn audandyq elektr jelılerı qyzmetı jürgızıp jatyr. Jūmysqa 10 maman men üş arnaiy tehnika jūmyldyrylǧan.
Sondai-aq saǧat 16:25 şamasynda Qoŋyrözek auylynda qatty jeldıŋ saldarynan 12 jeke tūrǧyn üidıŋ jäne auyldyq mädeniet üiınıŋ şatyry bülıngen. Zaqymdanǧan aumaqtyŋ kölemı naqtylanuda. Aldyn ala mälımet boiynşa, oqiǧadan qaza tapqandar men zardap şekkender joq.
Oqiǧa ornynda jergılıktı atqaruşy organdar men tötenşe jaǧdailar departamentınıŋ 27 qyzmetkerı jäne bes tehnika jūmys ıstep jatyr. Äkımdık qolaisyz aua raiynyŋ saldaryn joiu jäne keltırılgen şyǧyndy naqtylau jūmystary jalǧasyp jatqanyn aitty.
