Pavlodar oblysy ákiminiń orynbasary Serik Batyrǵojınov jol apatyna tústi. Kerek.pv telegram-arnasynyń málimetinshe, Batyrǵojınov qutqarýshylar apatynyń sebepterin anyqtaý jónindegi komıssııa quramynda Maıqaıyńnan Pavlodarǵa qaıtyp kele jatqan, dep habarlaıdy “Adyrna” ulttyq portaly.
Málimet boıynsha, Batyrǵojınov mingen kólik jol jıegine shyǵyp ketken. Júrgizýshi zardap shekpegen, biraq ákimniń orynbasary jaraqat alǵan, medıınalyq kómekke júgingen.
Apat týraly aqparatty Pavlodar oblysynyń ákimdigi rastady. Oqıǵa 8 qańtarda keshke Maıqaıyń aýylynan Pavlodarǵa baratyn jolda bolǵan.
"Oblys ákiminiń orynbasary Serik Batyrǵojınov shynynda jol apatyna ushyrady. Basqa kólikter bolmaǵan jáne zardap shekken joq. Orynbasardyń kóligi jol jıegine shyǵyp ketken, Serik Batyrǵojınovtyń ózi jeńil jaraqat alǵan, jaǵdaıy turaqty", - delingen habarlamada.
