Almatyda aptap ystyq köpjyldyq temperaturalyq rekordtardy jaŋartty, dep habarlaidy "Adyrna" tılşısı.
Būl turaly «Qazgidromet» RMK Almaty qalasy jäne Almaty oblysy boiynşa meteorologiialyq boljamdar bölımınıŋ basşysy Däulet Kısebaev habarlaǧan.
Mamannyŋ aituynşa, 17 şıldede Almatyda aua temperaturasy +39,2 gradusqa jetken. Būǧan deiın osy künge tiesılı eŋ joǧary körsetkış 1945 jyly tırkelıp, +37,4 gradusty qūraǧan. Osylaişa jaŋa rekord būrynǧy mejeden 1,8 gradusqa joǧary boldy.
18 şıldede qalada aua temperaturasy +40 gradusqa deiın köterılıp, būl künge arnalǧan taǧy bır rekord jaŋardy. Aldyŋǧy eŋ joǧary körsetkış +39,7 gradus bolyp, 1997 jyly tırkelgen.
19 şıldede Almatyda aua temperaturasy +41,2 gradusqa jetkenımen, būl künnıŋ absoliuttık rekordy jaŋarǧan joq. Öitkenı 19 şıldege arnalǧan eŋ joǧary temperatura +41,7 gradus bolyp, 1997 jyly tırkelgen.
Būǧan deiın, 16 şıldede de Almatyda aua temperaturasy +38 gradusqa deiın köterılıp, 1976 jylǧy +36,1 gradus deŋgeiındegı rekordtan asyp tüsken edı.
