The Marco Polo Project halyqaralyq elektromobilder ekspedisiiasy tarihi Ūly Jıbek joly boiymen sapar şegude. Ūzyndyǧy şamamen 15 myŋ şaqyrym bolatyn joba Rim men Gonkongty bailanystyryp, 12 memlekettıŋ aumaǧyn qamtidy. Ekspedisiia 2026 jyly 13 mausymda bastalyp, 26 şıldege deiın jalǧasady.
Delegasiia qūramya 38 qatysuşydan (jürgızuşılerdı qosqanda 59 adam) tūrady. Olardyŋ qatarynda ǧalymdar, investorlar jäne tūraqty damu salasynyŋ mamandary bar. Olar BYD markaly 13 elektromobilmen saparǧa şyqqan.
Jobany M31 Capital kompaniiasynyŋ negızın qalauşy Patrik Chjun jäne Kolumbiia universitetınıŋ Tūraqty damu ortalyǧynyŋ ökılderı Djeffri jäne Sonia Erlih Saks ūiymdastyrǧan.
Patrik Chjunnyŋ aituynşa, ekspedisiianyŋ basty maqsaty – özara qūrmetke negızdelgen älemdık bailanysty nyǧaitu.
– Bügınde älem tym bölşektenıp kettı. Bız bır nükteden ekınşısıne ūşaqpen tez jetemız de, aradaǧy keŋıstıktı, ondaǧy adamdar men mädeniettı baiqamaimyz. Bızdıŋ maqsatymyz – älemdı jaqyndastyru. Eger jetkızgımız keletın basty oi bolsa, ol beibıtşılıkke ündeu, – dedı Patrik Chjun.
Qazaqstandaǧy baǧyt Aqtau, Maŋǧystau, Beineu, Şymkent jäne Taraz arqyly öttı. Al delegasiianyŋ elımızdegı saparynyŋ soŋǧy nüktesı 13-14 şılde künderı Almaty qalasy boldy.
Patrik Chjun üşın būl sapar öŋırdıŋ tarihi mūrasymen jaqynyraq tanysuǧa mümkındık bergen.
– Almaty – Ūly Jıbek jolyndaǧy eŋ maŋyzdy qalalardyŋ bırı. Men üşın būl jerge kelu – osy tarihi mekendı öz közımmen köru mümkındıgı. Bız jai ǧana saiahattap jürgen joqpyz, adamdardyŋ oqiǧasyn jinap, osy öŋırdıŋ maŋyzyn jaŋaşa tanyp-bılgımız keledı, – dedı ol.
Ekspedisiiada Patrik Chjunnyŋ ūly Djimmi de bar. Jas saiahatşy Almatynyŋ asqaq tabiǧaty erekşe äser qaldyrǧanyn aitty. Sondai-aq, qazaqtyŋ ūlttyq taǧamdarymen tanysqan ol jylqy etınen jasalǧan taǧamdarǧa saqtyqpen qaraǧanymen, jergılıktı ashananyŋ özge dämderın joǧary baǧalaǧanyn jetkızdı.
Patrik Chjun ekologiialyq mäselege de erekşe toqtaldy.
– Mūndaǧy tabiǧattyŋ sūlulyǧyn sözben jetkızu qiyn. Bıraq ol öte näzık. Bız klimatty qorǧaudyŋ qanşalyqty maŋyzdy ekenın bükıl älemge körsetkımız keledı. Eger bügın tabiǧatty qorǧamasaq, erteŋ būl üderıstı toqtatu mümkın bolmai qaluy mümkın, – dedı ol.
Almaty qalasy Turizm basqarmasynyŋ mälımetınşe, megapoliste delegasiia üşın qalanyŋ tabiǧi-rekreasiialyq äleuetı men kreativtı ekonomikasyn tanystyruǧa baǧyttalǧan arnaiy baǧdarlama ūiymdastyrylǧan.
– Ekspedisiia qatysuşylary Qazaqstan öŋırlerınıŋ tabiǧaty men mädeni dästürlerımen tanysty. Almatyǧa kelgende olar «Şymbūlaq» tau kurortyn aralap, Almaty oblysyndaǧy bürkıtşılık önerımen tanysty. Sonymen qatar «Gorelnik» vizit ortalyǧynda jäne jaŋa Almaty Museum of Arts muzeiınde boldy.
Qazaqstandaǧy kezeŋ aiaqtalǧannan keiın ekspedisiia Qytaiǧa bet alady. Alda olar joldyŋ soŋǧy üşten bır bölıgın jürıp ötıp, Ürımjı, Sian, Şanhai jäne Şenchjen arqyly soŋǧy mejesı – Gonkongqa jetedı.
Ekspedisiia barysynda tüsırılgen derektı film, vlogtar men podkasttar älemnıŋ jetekşı mediaplatformalarynda jariialanady. Būl Almatyny tarihi mūrasy men tūraqty damu qaǧidattaryn ūştastyrǧan Euraziiadaǧy maŋyzdy toraptardyŋ bırı retınde halyqaralyq deŋgeide tanytuǧa mümkındık beredı.
