Memleket basşysy Qasym-Jomart Toqaev Atyrauda ötken qūryltaida halqymyzdyŋ dünietanymynda qara kiınıp jüru degen atymen bolmaǧanyn aitty, dep habarlaidy "Adyrna" tılşısı.
Prezident ūlttyq bıregeilıktı nyǧaitu mäselesıne toqtalyp, qara jamylǧandarǧa toqtaldy.
"Endıgı mäsele – ūlttyq bıregeilıgımızdı nyǧaitu. Men Egemen Qazaqstan gazetıne bergen sūhbatymda Ūlystyŋ ūly künın bükıl el bolyp jaŋaşa atap ötetınımızdı aittym. Jaqynda osyǧan bailanysty arnaiy tūjyrymdama qabyldandy. Ärine, bükıl älem jūrtşylyǧymen bırge qarsy alatyn Jaŋa jyl merekesınen bas tartpaimyz. Bıraq Äz-Nauryzdyŋ märtebesın köterıp, mazmūnyn baiyta tüsemız.Basqa jūrt qazaqty kiımınen tanityn boluy kerek. Men byltyr auyzaşar bergen kezde osy mäselege arnaiy toqtaldym. Keibır ırı kompaniialar men oqu oryndary ūlttyq naqyşta kiınu ürdısın engızıp jatyr. Būl – öte oryndy bastama, ony qoldap, auqymyn keŋeite tüsken jön. Äsırese, qazırgı taŋda mūndai qadamdardyŋ män-maŋyzy airyqşa. Sebebı soŋǧy jyldary el ışınde qara kiınıp, tūmşalanyp jüretın adamdar paida bolǧany barşaŋyzǧa mälım. Olar – böten emes, öz azamattarymyz. Halqymyzdyŋ dünietanymynda qara kiınıp jüru degen atymen bolmaǧan. Būl – elıkteuşılıkten, äsıre-dınşıldıkten tuǧan ürdıs. Bız salt-dästürımızden ajyramauymyz kerek", - dep aitty Qasym-Jomart Toqaev qūryltaidyŋ üşınşı otyrysynda.
Ūqsas jaŋalyqtar
