Almatyda ECO CLUB MEDEU jastar ekologiialyq qauymdastyǧynyŋ tūsaukeserı ötıp, biznes ökılderı qaldyqtardy qaita öŋdeuge belsendı qatysuǧa şaqyryldy.
Medeu audanynyŋ Jastar komiuniti ortalyǧynda jas eko-belsendılerdı, volonterlerdı jäne ekologiialyq bastamalardyŋ avtorlaryn bırıktırgen ECO CLUB MEDEU ekologiialyq qauymdastyǧynyŋ tūsaukeserı öttı. Jaŋa alaŋ ekologiialyq mädeniettı damytuǧa, jauapty tūtynudy nasihattauǧa jäne «Taza Qazaqstan» respublikalyq bastamasy aiasynda bırlesken jobalardy jüzege asyruǧa baǧyttalǧan.
Kezdesuge Almaty qalasyndaǧy jastar ūiymdarynyŋ, volonterlık bırlestıkterdıŋ jäne ekologiialyq jobalardyŋ 45-ten astam ökılı qatysty. Basqosuda bügınnıŋ özınde qaldyqtar kölemın azaituǧa, qoqysty bölek jinau mädenietın qalyptastyruǧa jäne jastardy ekologiialyq mäselelerdı şeşuge tartuǧa yqpal etıp jatqan täjıribelık bastamalar talqylandy.
Qazaqstan Respublikasynyŋ Prezidentı Qasym-Jomart Toqaev «Taza Qazaqstan» bastamasy bır rettık aksiia emes, ärbır azamattyŋ kündelıktı ömır salty men qoǧamdyq mädenietınıŋ ajyramas bölıgıne ainaluy tiıs ekenın bırneşe ret atap ötken bolatyn. Memleket basşysy qorşaǧan ortanyŋ tazalyǧy är adamnyŋ jeke jauapkerşılıgınen bastalatynyn jäne tabiǧatqa janaşyrlyqpen qarau ekologiialyq sanaly qoǧam qalyptastyrudyŋ maŋyzdy negızı ekenın erekşe atap öttı. Jaŋa jastar ekologiialyq qauymdastyǧynyŋ qyzmetı däl osy qūndylyqtarǧa negızdelgen.
Tūsaukeser barysynda qatysuşylar plastik jäne aliuminii qaldyqtaryn, paidalanylǧan batareialardy jinau jäne qaita öŋdeu, ekınşı rettık şikızatty qaita paidalanu, ekologiialyq şeberlık sabaqtaryn, qalalyq senbılıkterdı, aǧartuşylyq nauqandardy jäne basqa da qoǧamdyq bastamalardy tanystyrdy.
Is-şara barysynda ūzaq merzımdı ekologiialyq mädeniettı qalyptastyru mäselesıne erekşe nazar audaryldy. Qatysuşylardyŋ pıkırınşe, ekologiialyq jauapkerşılık bır rettık aksiialarmen şektelmei, kündelıktı ömır saltyna ainaluy tiıs.
Kezdesudıŋ negızgı taqyryptarynyŋ bırı biznes qūrylymdarymen yntymaqtastyqty keŋeitu boldy. Jas eko-belsendıler plastik jäne aliuminii qaptamada önım şyǧaratyn kompaniialardy ekologiialyq jobalardy qoldauǧa, qaldyqtardy jinau men qaita öŋdeu baǧdarlamalaryna belsendı qatysuǧa, sondai-aq jauapty tūtynudy yntalandyratyn bastamalardy engızuge şaqyrdy.
Medeu audany Jastar komiuniti ortalyǧynyŋ jetekşısı Rustam Qaiyriev:
«Ekologiialyq özgerısterge qoǧamnyŋ, memlekettıŋ jäne biznestıŋ küş-jıgerın bırıktırmei qol jetkızu mümkın emes. Tek bırlesken jobalar ǧana jaŋa ekologiialyq mädeniettı qalyptastyryp, qorşaǧan ortaǧa jauapkerşılıkpen qaraudy ärbır qala tūrǧynynyŋ kündelıktı ömırınıŋ ajyramas bölıgıne ainaldyra alady», – dep atap öttı.
Is-şaranyŋ jeke bölımı jastardyŋ ekologiialyq bastamalary arasynda täjıribe almasuǧa arnaldy. Qatysuşylar ekologiialyq aǧartudyŋ jaŋa formattaryn, mektep oquşylary men studentterdı tabiǧatty qorǧau qyzmetıne tartu joldaryn, sondai-aq jaqyn arada Almaty qalasynda ıske asyrylatyn bırlesken jobalardy talqylady.
Ūiymdastyruşylardyŋ aituynşa, ECO CLUB MEDEU zamanaui ekologiialyq şeşımderdı ūsynuǧa, volonterlık bastamalardy damytuǧa jäne ekologiialyq jauapty qoǧam qalyptastyruǧa atsalysuǧa niettı barlyq azamattar üşın aşyq alaŋ bolady.
Osyndai ıs-şaralardy ötkızu ekologiialyq mädeniettı nyǧaituǧa, azamattyq jauapkerşılıktı arttyruǧa jäne jaily qalalyq ortany qalyptastyruǧa baǧyttalǧan «Taza Qazaqstan» jalpyūlttyq bastamasynyŋ maqsattaryna tolyq säikes keledı.
ECO CLUB MEDEU – Almatyny taza, ekologiialyq tūrǧydan qauıpsız ärı ömır süruge qolaily qalaǧa ainaldyrudy maqsat etken jastardyŋ qauymdastyǧy. Olar öz ideialaryn naqty jobalarǧa ainaldyryp, ekologiialyq qozǧalysqa qala tūrǧyndaryn barynşa keŋınen tartudy közdeidı.
