Foto: Almatyzoo
Almatyda 9 mausymǧa qaraǧan tünı haiuanattar baǧynda ört şyqty. Zoobaq mälımetınşe, tüngı saǧat 00:30-dan keiın Almaty haiuanattar baǧynyŋ aumaǧynda jalǧa aluşyǧa tiesılı fotosalon butigınde jäne onyŋ janynda ornalasqan ekskursiialyq golf-karlarda jalyn şarpyǧan, dep habarlaidy "Adyrna".
Oqiǧa ornyna örtke qarsy qyzmet bölımşelerı jedel kelıp, ört der kezınde oqşaulanyp, tolyqtai söndırıldı.
Qazırgı uaqytta örttıŋ şyǧu sebepterı uäkılettı organdar tarapynan anyqtalyp jatyr.
Oqiǧa saldarynan haiuanattar baǧynyŋ mülkıne ziian keltırılmegen. Qyzmetkerler men januarlar arasynda zardap şekkender joq.
Qazırgı uaqytta Almaty haiuanattar baǧy qalypty rejimde jūmys ıstep tūr.
Almaty qalasynyŋ Tötenşe jaǧdailar departamentınıŋ mälımetınşe, ört turaly aqparat 9 mausymda saǧat 00:48-de tüsken.
Oqiǧa ornyna kelgen kezde ekı elektr-kölık pen balalar poiyzy janyp, örttıŋ fotobutikke taralǧany anyqtalǧan. Örttıŋ jalpy audany 25 şarşy metrdı qūrady.
Būl derek boiynşa Qazaqstan Respublikasy Qylmystyq kodeksınıŋ 292-babynyŋ 1-bölıgı boiynşa Sotqa deiıngı tergep-tekserudıŋ bıryŋǧai tızılımınde qylmystyq ıs tırkelgen.
