Seısmıkalyq qaýipsizdik máseleleri jónindegi keńeste Prezıdent Toqaev Tótenshe jaǵdaılar mınıstrligine óz qyzmetin synı turǵydan qaraý kerek ekenin tapsyrdy, - dep habarlaıdy “Adyrna” ulttyq portaly Aqordaǵa silteme jasap.
Elbasy Syrym Sháriphanovqa qarata sóz sóılep, onyń osy salanyń mamany ekenin, teorııalyq bilimi bar ekenin, biraq naqty jumysqa kelgende eńbeginiń jemisi kórinip tur deýge bolmaıtynyn atap ótti.
“Qazirgi jumysty kóńilden shyǵady dep aıtýǵa kelmeıdi. Mınıstr Sháriphanovqa eskertemin. Eger siz óz jumysyńyzdy aýyr sanaıtyn bolsańyz, ashyǵyn aıtyńyz, ǵylymı-oqytýshylyq qyzmetińizge qaıtaramyz. Onda turǵan eshteńe joq. Qazirgi ahýal óte kúrdeli jáne jaýapty, elimizdiń qaýipsizdigine tikeleı baılanysty. Sondyqtan bárimiz jınaqy, uqypty jáne belsendi bolýymyz qajet. Basqa jol joq. Prezıdent Ákimshiligi búgin aıtylǵan barlyq máseleni baqylaýda ustaıdy”, – dedi Memleket basshysy.
Sondaı-aq ol qaladaǵy sırenalardyń qosylmaǵany durys sheshim bolǵanyn da atap ótti.
“Dabyl qosylmady. Bul durys sheshim boldy. Áıtpese, qalada dúrbeleń týyndaıtyn edi. Biraq halyqty basqa baılanys arnalary arqyly habardar etý qajet bolatyn. Qulaqtandyrý birneshe negizgi mindetti sheshýi kerek”, - dedi Toqaev.
Sóziniń sońynda Qasym-Jomart Toqaev Almaty qalasynyń turǵyndaryn sabyrly bolýǵa shaqyrdy.
Aıta keteıik, Qasym-Jomart Toqaev 24 qańtarda Almatyǵa jumys saparymen kelgen edi.
