Qazaqstanda 2024 jyly jeńil atletıkadan álem chempıonaty ótýi múmkin

2962
Adyrna.kz Telegram

Almatyda Ulttyq Olımpıada komıtetiniń prezıdenti Tımýr Qulybaev Azııa jeńil atletıka qaýymdastyǵynyń prezıdenti Dahlan Al-Hamadty qabyldady, dep habarlaıdy "Adyrna" ulttyq portaly Qazaqstan Respýblıkasynyń UOK-ǵa silteme jasap.

Otyrysqa Qazaqstan Respýblıkasy Jeńil atletıka federaııasynyń prezıdenti Danıal Ahmetov te qatysty.

"Jeńil atletıka - eń tanymal sport túrleriniń biri. Qazaqstannyń jeńil atletıkalyq baı dástúrleri bar. Sondyqtan bul sport túrin damytý biz úshin basym baǵyttardyń biri bolyp tabylady. Qazaqstannyń Ulttyq Olımpıada komıteti Azııa jeńil atletıka qaýymdastyǵymen jáne basqa halyqaralyq uıymdarmen yntymaqtastyq úshin - ashyq", dedi Tımýr Qulybaev.

Aımaqta jeńil atletıkanyń damý perspektıvalary, Nur-Sultanda óńirlik jeńil atletıka ortalyǵyn qurý jobasy jáne 2024 jyly Qazaqstanda jeńil atletıkadan álem chempıonatyn ótkizý múmkindigi talqylandy.

"2022 jyly Qazaqstanda jeńil atletıkadan Azııa chempıonaty ótedi. Aımaqtyń 45 elinen 600-den astam sportshy qatyspaq. Bul oqıǵa 2024 jylǵy álem chempıonaty aldyndaǵy synaq oqıǵasy bolýy kerek.
Men Qazaqstanda olımpıadalyq sport túrleri qalaı qarqyndy damyp kele jatqanyn kóremin. Sizdiń sporttyq ǵımarattardy salýǵa degen kózqarasyńyz maǵan erekshe áser qaldyrdy. Nur-Sultandaǵy Qazaqstan kesheni - men buryn-sońdy kórmegen erekshe ǵımarat", dep bólisti Dahlan ál-Hamad.

Azııa jeńil atletıka qaýymdastyǵynyń prezıdenti Qazaqstanǵa XXX Qosanov Memorial halyqaralyq týrnıriniń ashylýyna keldi. Mereıtoılyq týrnır Dúnıejúzilik jeńil atletıka kontınentaldy týry aıasynda qola belgisi mártebesimen ótkiziledi. Tokıodaǵy Olımpıada oıyndaryna lıenzııalar oınatylady.

"Adyrna" ulttyq portaly

 

Pikirler