Qazaq boksy orny tolmas qazaǧa ūşyrady. Qazaqstannyŋ sport ardagerı, aty aŋyzǧa ainalǧan boksşy, Qazaqstan Respublikasynyŋ eŋbek sıŋırgen jattyqtyruşysy, halyqaralyq därejedegı töreşı Serık Äbdenälıūly Äbdenäliev qaitys boldy, dep habarlaidy adyrna.kz.
Būl turaly bügın boksşy Mūhtarhan Dıldäbekov özınıŋ facebook paraqşasynda jazdy.
"Bokstan Qazaqstan qūramasynyŋ būrynǧy bas bapkerı Serık Äbdenäliev dünieden ozdy.
Serık aǧamyz ömırın boksqa arnaǧan jan.
Özı boksşy retınde bırneşe ret el chempionatynda top jaryp, Qazaqstannyŋ bas jattyqtyruşy retınde de qūrama komandasynyŋ jetıstıkterı jetkılıktı, sonyŋ ışınde bızdıŋ boksşylar Atlanta olimpiadasynda tört medal jeŋıp alǧan. Sonymen qatar, Sidnei olimpiadasynda boks jarystaryna törelık etken bırınşı qazaqstandyq töreşı retınde tanyldy.
Serık aǧamyzdyŋ otbasyna, jaqyndaryna qaiǧyryp köŋıl aitamyn. İmany salamat bolsyn..." dep jazǧan.
Ūqsas jaŋalyqtar
