Qaraǧandyda jaŋa Konstitusiianyŋ küşıne enuıne arnalǧan «Jaŋa Konstitusiia – Ädılettı Qazaqstannyŋ negızı» atty öŋırlık sarapşylyq forum öttı. Is-şaraǧa memlekettık organdardyŋ ökılderı, deputattar, sot jüiesı men prokuratura qyzmetkerlerı, qoǧamdyq bırlestıkter jäne ǧylymi qauymdastyq ökılderı qatysty. Sonymen qatar Ortalyq saiabaqta jaŋa Ata Zaŋdy qoldauǧa arnalǧan jastar fleşmoby ūiymdastyryldy.
Forum barysynda qatysuşylar üş negızgı mäselenı talqylady: jaŋa Ata Zaŋnyŋ memlekettı nyǧaitudaǧy rölı, būl üderıske ärbır azamattyŋ qosatyn ülesı jäne Konstitusiia qorǧauǧa tiıs qūndylyqtar. Talqylau özegınde adam qūqyqtary men mındetterı, azamattyq qoǧamdy damytu, otbasylyq qūndylyqtar men qoǧamdyq kelısımdı nyǧaitu mäselelerı boldy.
— Ata Zaŋnyŋ eŋ basty qūndylyǧy — adam, onyŋ ömırı, qūqyqtary, bostandyqtary, eŋbegı men qadır-qasietı. Jaŋa Konstitusiia — jalpyhalyqtyq referendumda qabyldanǧan ortaq taŋdauymyz. Bügın ony ıs jüzınde jüzege asyrudyŋ jaŋa kezeŋı bastalady. Onyŋ normalary men qūndylyqtaryn qanşalyqty däiektı ūstanatynymyz jürgızılıp jatqan reformalardyŋ tabysy men qoǧamnyŋ memleketke degen senımın aiqyndaidy, — dep atap öttı Qaraǧandy oblysynyŋ äkımı Ermaǧanbet Bölekpaev.
Oblys prokurory Mūrat Tıleuberdiev zaŋ üstemdıgı men azamattardyŋ konstitusiialyq qūqyqtarynyŋ maŋyzdylyǧyna erekşe toqtaldy.
— Ädılettılık, zaŋ men tärtıp, sondai-aq tabiǧatqa ūqypty qarau siiaqty soŋǧy jyldary qoǧamdyq sananyŋ ajyramas bölıgıne ainalǧan qaǧidattar alǧaş ret konstitusiialyq deŋgeide bekıtıldı. Konstitusiianyŋ basty qūndylyǧy — onda bilıktıŋ emes, halyqtyŋ erkı körınıs tabady. Öitkenı Ata Zaŋǧa säikes Qazaqstandaǧy memlekettık bilıktıŋ bırden-bır bastauy ärı egemendıktıŋ iesı — halyq, — dedı ol.
Oblystyq sottyŋ töraǧasy Erden Ärıpov sot törelıgın jüzege asyrudaǧy jaŋa jaǧdailar turaly aityp öttı.
— Bügınde sot jüiesınıŋ rölı jekelegen qūqyqtyq daulardy şeşumen ǧana şektelmeidı. Sot konstitusiialyq qūndylyqtardy ıske asyrudyŋ jäne qoǧamnyŋ memleketke degen senımın nyǧaitudyŋ maŋyzdy institutyna ainalyp otyr. Jaŋa Konstitusiia azamattardyŋ qūqyqtaryn qorǧau kepıldıkterın edäuır küşeittı. Maŋyzdy jaŋaşyldyqtardyŋ bırı — advokaturanyŋ konstitusiialyq märtebesınıŋ bekıtıluı. Būl onyŋ qūqyqtyq märtebesın arttyryp qana qoimai, adam qūqyqtary men bostandyqtaryn qorǧaudaǧy şeşuşı rölın aiqyndady, — dep tüsındırdı ol.
Qaraǧandy oblystyq mäslihatynyŋ töraǧasy Nūrken Qobjanov «Qazaqstan Halyq Keŋesınıŋ» qūryluy öŋırlerdıŋ bastamalaryn eskeruge qosymşa mümkındık beretının atap öttı. Onyŋ pıkırınşe, qoǧamdyq dialogtyŋ jaŋa jüiesı tūrǧyndardyŋ ūsynystaryn respublikalyq deŋgeige tiımdı jetkızuge jäne olardy memlekettık baǧdarlamalar men zaŋnamalyq bastamalardy äzırleu barysynda eskeruge jol aşady.
— Konstitusiia yntymaq, toptasu jäne halyq bırlıgı ruhymen astasqan. Bügın bız elımızdıŋ ömırınde jaŋa paraq aşyp, memlekettık, saiasi jäne qoǧamdyq qūrylystyŋ jaŋa ülgısıne qadam basyp otyrmyz. Öz tiımdılıgın däleldegen barlyq qūrylymdar tolyqqandy jūmysyn jalǧastyrady, sonyŋ ışınde öŋırdıŋ etnomädeni bırlestıkterı de bar. Endı olar oblystyq Qoǧamdyq keŋestıŋ qyzmetıne yqpaldasyp, özara yntymaqtastyqty odan ärı küşeitedı, — dedı Qaraǧandy oblystyq evrei mädenietı ortalyǧynyŋ töraǧasy Vilen Molotov-Luchanskii.
Forum soŋynda öŋırdıŋ damuyna üles qosqan qoǧam ökılderıne Qazaqstan Respublikasy jaŋa Konstitusiiasynyŋ arnaiy basylymyn saltanatty türde tabystau räsımı öttı.
