Prezident Qasym-Jomart Toqaev qazaqstandyqtardy Alǧys aitu künımen qūttyqtady, dep habarlaidy «Adyrna» tılşısı.
«Qūrmettı otandastar! Sızderdı Alǧys aitu künımen qūttyqtaimyn! Būl – halqymyzdyŋ eŋ asyl qūndylyqtaryn därıpteitın erekşe mereke. Özara qūrmet körsetu, özgege janaşyrlyqpen qarap, şynaiy tıleules bolu – ūltymyzdyŋ boiyna sıŋgen qasietter. Alǧys aitu dästürı töl ruhaniiatymyzdyŋ temırqazyǧy retınde el ışındegı senım men bırlıktı nyǧaituǧa zor yqpal etıp keledı. Jaqyndarymyzǧa alǧys aitu – olarǧa ruhani qoldau körsetu, qiyn kezde qol ūşyn sozu degen söz. Qazırgı qūbylmaly zamanda būl qasiettıŋ män-maŋyzy erekşe»,-dedı ol.
Memleket basşysy elımızdıŋ ösıp-örkendeuıne üles qosyp jürgen barşa azamatqa rizalyşylyǧyn bıldırdı.
«Bız osy meiramda, eŋ aldymen, qiyn-qystau jyldary elımızdı aman saqtap, ūrpaqqa asa qūndy ärı mol mūra qaldyrǧan ata-babalarymyzǧa taǧzym etemız. Ūstazdarǧa, därıgerlerge, mädeniet salasy qyzmetkerlerıne, käsıpkerlerge, jūmysşylarǧa, tärtıp saqşylaryna, ört söndıruşılerge, qūtqaruşylarǧa jäne adal eŋbegımen süiıktı Otanymyzdyŋ ösıp-örkendeuıne eleulı üles qosyp jürgen barşa azamatqa alǧys aitamyz. Sondai-aq jastarǧa jäne erıktılerge erekşe rizaşylyǧymdy bıldıremın. Belsendı azamattyq ūstanymy bar, qoǧam igılıgı üşın eŋbek etuge äzır, mūqtaj jandarǧa kömektesuge daiyn adamdardyŋ eŋbegı eren. Būl – jasampaz ärı jauapty otanşyldyqtyŋ aiqyn körınısı»,-dep jazdy Toqaev.
Memleket basşysy Qazaqstannyŋ auqymdy ärı tarihi betbūrys kezeŋıne qadam basqanyn atap öttı.
«Respublikalyq referendumǧa şyǧarylǧan jaŋa halyqtyq Konstitusiianyŋ jobasy adam qūqyqtaryn qorǧau jüiesın jaqsartuǧa, bilık instituttarynyŋ jauapkerşılıgın küşeitıp, tiımdılıgın arttyruǧa, qasterlı täuelsızdıgımız ben egemendıgımızdı nyǧaituǧa mümkındık beredı. Jaŋa Ata Zaŋ bärımız bır el bolyp ırgesın qalap jatqan jarqyn bolaşaqqa jol aşady.
Alǧys aitu künı el taǧdyry ärbır azamattyŋ qolynda ekenın aŋǧartady. Sebebı aldaǧy özgerısterdıŋ tabysty jüzege asyryluy jūrtymyzdyŋ bırlıgıne, parasattylyǧyna jäne sanaly azamattyq ūstanymyna bailanysty ekenı sözsız. Bız zaŋ men tärtıp, tılektestık pen yntymaq qaǧidalaryn basşylyqqa alyp, salt-dästürımızdı saqtai bılsek, quatty, ädılettı, taza, örkendegen Qazaqstandy qūra alamyz»,-dep tüiındedı ol.
Aita keteiık, 2016 jyldyŋ 14 qaŋtarynda 1 nauryz Alǧys aitu künı dep jariialanǧan bolatyn. 1995 jyly 1 nauryzda Qazaqstan halqy Assambleiasy qūrylǧan. Alǧys aitu künınıŋ nelıkten däl osy künı toilanatyny belgılı. Būl — Qazaqstan halqyn bırıktıruge baǧyttalǧan, el tarihyna qūrmet körsetıp, barlyq ūlt pen ūlysty bır şaŋyraq astyna toptastyratyn kün.
