Ūlytau oblysynda Būqaralyq aqparat qūraldary qyzmetkerlerı künıne arnalǧan saltanatty ıs-şara ötıp, aqparat salasynyŋ üzdık ökılderı marapattaldy.
Dästürlı merekelık jiynda Ūlytau oblysy äkımınıŋ arnaiy «Ūlar» syilyǧy tabystalyp, öŋır jurnalisterınıŋ eŋbegı joǧary baǧalandy. Sonymen qatar, Memleket basşysynyŋ tapsyrmasyna säikes, oblystyŋ ekı jurnalisıne ekı bölmelı päterdıŋ kıltterı tapsyryldy. Ūlytau oblysynyŋ äkımı Dastan Adaiūly Ryspekov «Habar» telearnasynyŋ oblystaǧy menşıktı tılşısı Eldos Käkenov pen «Aimaq aqşamy» gazetınıŋ aǧa tılşısı Meiramkül Alpysbaevaǧa päter kıltterın saltanatty jaǧdaida tabystady.
Saltanatty jiynǧa qatysqan Ūlytau oblysynyŋ äkımı jurnalisterdı käsıbi merekelerımen qūttyqtap, qoǧam men memleket arasyndaǧy altyn köpırge ainalǧan aqparat salasy ökılderınıŋ öŋırdıŋ damuy men el bırlıgın nyǧaitudaǧy erekşe eŋbegın atap öttı. Öŋır basşysy būqaralyq aqparat qūraldary qyzmetkerlerıne şynaiy alǧysyn bıldırıp, jauapty qyzmetterıne tabys tıledı.
Mereke aiasynda sala ardagerlerı men üzdık mamandarǧa memlekettık jäne vedomstvolyq nagradalar tabystaldy. Atap aitqanda, «Eren eŋbegı üşın» jäne «Eŋbek ardagerı» medaldary, «Aqparat salasynyŋ üzdıgı», «Qazaqstannyŋ qūrmettı jurnalisı» tösbelgılerı, Qazaqstan Respublikasy Mädeniet jäne aqparat ministrınıŋ Qūrmet gramotalary men Alǧyshattary tapsyryldy. Sondai-aq bırqatar jurnalister men media salasynyŋ qyzmetkerlerı Ūlytau oblysynyŋ Qūrmet gramotasymen jäne oblys äkımınıŋ Alǧyshatymen marapattaldy.
Keştıŋ basty oqiǧalarynyŋ bırı – Ūlytau oblysy äkımınıŋ «Ūlar» syilyǧynyŋ jeŋımpazdaryn marapattau räsımı boldy. Biyl syilyqtyŋ 13 nominasiiasy boiynşa üzdık atanǧan jurnalisterge 500 myŋ teŋgeden 1 million teŋgege deiıngı aqşalai syiaqylar tabystaldy.
Merekelık ıs-şara öŋır jurnalisterınıŋ qoǧamdaǧy maŋyzdy missiiasyna qūrmet körsetıp, olardyŋ käsıbi eŋbegın laiyqty baǧalaudyŋ jarqyn körınısıne ainaldy.
