Jezqazǧan qalasynda Qūryltai deputattaryn sailau aiasyndaǧy dauys beru jalǧasyp jatyr. Taŋǧy saǧat 10:00-de qaladaǧy №28 sailau uchaskesıne Ūlytau öŋırıne tanymal aqsaqal, saiahatşy Särsenbai Qotyraşov kelıp, özınıŋ azamattyq taŋdauyn jasady.
Ömırınıŋ jetpısten asqan şaǧynda ūzaq saparlarǧa şyǧyp, Qazaqstandy jäne bırneşe şet memlekettı jaiau aralaǧan Särsenbai aqsaqal üşın būl künnıŋ mänı erekşe.
Saiahatşy 2022 jyly Qazaqstannyŋ 17 öŋırın jaiau aralap, 8 myŋ şaqyrymǧa juyq jol jürıp ötken. Būl jetıstıgı otandyq KİnES rekordtar kıtabyna engızıldı. Keiın ol halyqaralyq joryqtaryn jalǧastyryp, bırneşe memleket aumaǧyn jaiau eŋserdı.
Al, biylǧy jyly Särsenbai Qotyraşov 53 kün ışınde Serbiia, Vengriia, Austriia, Germaniia jäne Fransiia arqyly şamamen 3 myŋ şaqyrym jol jürıp, Parijge jettı. Onyŋ tabandylyǧy men belsendı ömır salty köptegen qazaqstandyqqa ülgı bolyp otyr.
Saiahatşynyŋ aituynşa, eldı jaiau aralau oǧan Qazaqstannyŋ är öŋırındegı halyqtyŋ tynys-tırşılıgın, salt-dästürı men el azamattarynyŋ arman-maqsatyn jaqynnan tanuǧa mümkındık bergen.
«Eldıŋ bolaşaǧy är azamattyŋ taŋdauyna bailanysty. Sondyqtan dauys beru – jai ǧana mındet emes, el aldyndaǧy azamattyq jauapkerşılık», – dedı Särsenbai aqsaqal.
Ol dauys beru uchaskesıne kelgen azamattarǧa aq batasyn berıp, eldıŋ bırlıgı men berekesın, jastardyŋ bolaşaǧy jarqyn boluyn tıledı.
Aita keteiık, Särsenbai Qotyraşovqa 2026 jyly Qazaqstannyŋ turizm salasyna qosqan ülesı men belsendı ömır saltyn nasihattaǧany üşın «Qūrmettı sport qyzmetkerı» ataǧy tabystaldy.
Qazırgı uaqytta №28 sailau uchaskesınde dauys beru prosesı jalǧasyp jatyr. Sailau uchaskelerı saǧat 20:00-ge deiın jūmys ısteidı.
