Ūlytau oblysynda respirator şyǧaratyn zauyt aşyldy. Būl - soŋǧy üş jylda öŋırde jüzege asyrylǧan on ekınşı investjoba. Qūny - 800 million teŋge. Käsıporynda jylyna 5 million jeke qorǧanys qūraly şyǧarylady, sondai-aq 40-qa juyq azamat jūmyspen qamtylmaq. Jobany jüzege asyruşy - «Ulytau Industrial Company» JŞS.
Aşylu saltanatyna arnaiy qatysqan Ūlytau oblysynyŋ äkımı Dastan Ryspekov öŋırdegı ekonomikany ärtaraptandyru maqsatynda atqarylyp jatqan osyndai jobalardyŋ maŋyzyn atap öttı. 
«Oblys äkımdıgı investisiialardy tartu jäne käsıpkerlıktı qoldau jūmystaryn basym mındet retınde qarastyrady. Bız investorlarǧa qolaily jaǧdai jasauǧa, tiıstı kedergılerdı azaituǧa jäne öŋırdıŋ ekonomikalyq äleuetın arttyruǧa baǧyttalǧan şaralardy jalǧastyra beremız»-dedı öŋır basşysy öz sözınde.
Jalpy 2025 jyly öŋırde jalpy qūny 138 mlrd teŋgege 17 investisiialyq jobany ıske asyru josparlanuda. Būdan bölek, 2028 jylǧa deiın jalpy somasy 917 mlrd teŋgege 22 jobadan tūratyn investisiialyq pul qalyptastyryldy. Būl bastama 2 myŋnan astam jaŋa jūmys ornyn aşuǧa mümkındık beredı.
«Qazır Ūlytau oblysynyŋ öndırıs, käsıporyndaryn qamtamasyz etemız. Küzge qarai quattylyǧymyzdy arttyryp, Qazaqstan naryǧyna şyǧudy josparlap otyrmyz. Ol uaqytta önımderımızdıŋ sany artyp, qyzmetkerler sany da köbeimek»-deidı investor Qalmūrat Mädişev.
Aita keteiık, ekonomikany ärtaraptandyru maqsatynda 2024 jyly Ūlytau oblysynda jalpy somasy 34 mlrd teŋgege 9 investisiialyq joba ıske qosyldy. Būl jobalar 200-den astam jaŋa jūmys ornyn qūrdy. Sonymen qatar, ötken jyly negızgı kapitalǧa 226,5 mlrd teŋge investisiia tartyldy, onyŋ 89%-y jeke investisiialardyŋ ülesıne tiesılı.
