Jambyl oblysy Jaŋatas qalasyndaǧy ört saldarynan japa şekken otbasyǧa päter berıldı. Būl turaly oblys äkımınıŋ baspasöz qyzmetı mälımdedı, dep habarlaidy "Adyrna" ūlttyq portaly.
"Balalardyŋ ata-anasyna demeuşıler esebınen Jaŋatas qalasynan 3 bölmelı päter berıldı, al Sarysu audanynyŋ käsıpkerlerı baspanaǧa qajettı jihaz ben tehnika alyp berdı. Qoǧamdyq ūiymdar, demeuşılermen 3 mln teŋgeden astam qarjy jinalyp, materialdyq kömek körsetıldı" delıngen oblys äkımdıgı taratqan habarlamada.Sonymen qatar memlekettık qyzmetkerler bır kündık jalaqysyn kömek retınde joldaityn boldy. Eske sala keteiık, Jambyl oblysy Jaŋatas qalasy 2 yqşamaudandaǧy 5 qabatty tūrǧyn üidıŋ 3-şı qabatynda ört bolǧan. Päter ışınde ata-ananyŋ qarauynsyz kämelet jasyna tolmaǧan 2015, 2016, 2017, 2019 jäne 2020 jyldary tuǧan 5 bala qalǧan. Ört bolǧan uaqytta üidıŋ otaǧasy jūmysta bolǧany, al anasy dükenge şyǧyp ketkenı habarlandy. Tütınge ulanǧan balalar jedel türde auruhanaǧa jetkızılgenımen, araǧa bıraz uaqyt salyp köz jūmǧan. Jambyl oblystyq polisiia departamentı bastyǧynyŋ bırınşı orynbasary Baqyt Rataev örttıŋ şyǧu sebebın aitqan.
Ūqsas jaŋalyqtar
