Prezident Qasym-Jomart Toqaev 20 qaŋtar 2026 jyly Ūlttyq qūryltaidyŋ V otyrysynda jalpyūlttyq referendumnyŋ künın Konstitusiialyq komissiia jūmysy aiaqtalǧannan keiın anyqtalatynyn habarlady, dep jazady "Adyrna" tılşısı.
Memleket basşysynyŋ aituynşa, bastapqyda parlamenttık reformalar aiasynda Konstitusiianyŋ şamamen 40 babyna tüzetuler engızu josparlanǧan bolatyn.
«Alaida jūmys barysynda tüzetuler sany edäuır artyp kettı. 2022 jylǧy reformada 33 bap jaŋartylǧan edı. Al qazır özgerıster odan da auqymdy. Bız ıs jüzınde jaŋa Konstitusiia qabyldauǧa bet alǧaly otyrmyz. Sondyqtan men Konstitusiialyq komissiia qūru turaly şeşım qabyldadym. Erteŋ tiıstı jarlyqqa qol qoiamyn», – dedı Toqaev.
Komissiia qūramyna 100-den astam azamat kıredı, olardyŋ qatarynda Ūlttyq qūryltai müşelerı, belgılı zaŋgerler, BAQ jetekşılerı, maslihat töraǧalary, ükımettık emes ūiymdar men basqa da bılıktı mamandar bolady. Komissiia jūmysyna Konstitusiialyq sot töraǧasy jetekşılık etedı.
«Komissiia barlyq ūsynystardy taldap, jüielep, naqty tüzetuler jobasyn äzırleidı. Sodan keiın jalpyūlttyq referendumnyŋ datasy belgılenedı», – dep tolyqtyrdy Prezident.
