Armeniia premer-ministrı Nikol Paşinian mamyr aiynyŋ soŋynda Armeniiaǧa qatysty qabyldanǧan Euraziialyq ekonomikalyq odaqtyŋ (EAEO) şeşımın synǧa aldy. Ükımet otyrysynda söilegen sözınde ol öz qatysuynsyz qabyldanǧan mälımdemenıŋ mänın tüsınu qajet ekenın aitty, dep habarlaidy "Adyrna".
«Ärıptesterımnıŋ menıŋ qatysuymsyz qabyldaǧan mälımdemesıne qatysty sūraqtarym bar. Kez kelgen EAEO müşesı eşqandai negızsız basqa memleketke qatysty osyndai şeşım qabyldai ala ma? Eger būǧan jauap "iä" bolsa, onda EAEO özın-özı taratu turaly jariialaǧanmen teŋ. Bız ūiymnyŋ bar-joǧyn naqty tüsınuımız kerek. Eger EAEO jūmys ıstep tūrsa, soǧan säikes ūstanymymyz bolady. Al eger ıs jüzınde joq bolsa, onda erekşe ūstanym ūstanudyŋ qajetı de joq», – dedı Paşinian.
Sonymen qatar Armeniia premer-ministrı Reseidıŋ armian önımderınıŋ importyna jäne Armeniiadan basqa EAEO elderıne Resei aumaǧy arqyly eksporttalatyn tauarlarǧa engızgen şekteulerıne de toqtaldy.
Onyŋ aituynşa, būl jaǧdai EAEO-ǧa müşe bırqatar memlekette alaŋdauşylyq tuǧyzuy mümkın.
«Euraziialyq ekonomikalyq odaq eŋbek küşı, tauarlar, qyzmetter men kapitaldyŋ erkın qozǧalysy qaǧidatyna negızdelgen. Eger būl qaǧidattar saqtalmasa, onda EAEO-nyŋ da mänı qalmaidy», – dedı ol.
Eske salaiyq, 29 mamyrda ötken EAEO Joǧary keŋesınıŋ otyrysyna Nikol Paşinian qatyspaǧan bolatyn. Sol jiynda Resei, Qazaqstan, Belarus jäne Qyrǧyzstan prezidentterı Armeniiany Euraziialyq ekonomikalyq odaq pen Europalyq odaq arasynda taŋdau jasau jönınde referendumdy mümkındıgınşe tezırek ötkızuge şaqyrǧan mälımdeme qabyldady. Sondai-aq Armeniianyŋ EAEO-daǧy müşelıgı mäselesın ūiymnyŋ kelesı otyrysynda qaita qarau turaly şeşım qabyldandy.
Būǧan qosa, Reseidıŋ veterinarlyq jäne fitosanitarlyq qadaǧalau qyzmetı (Rosselhoznadzor) mamyrdyŋ soŋy men mausym aiynyŋ basynan bastap Armeniiadan gül, qyzanaq, qiiar, būryş, kök şöpter, qūlpynai, şie, örık, alhory, şabdaly, jüzım, kartop, keptırılgen jemıster, sondai-aq tırı balyq pen balyq önımderın äkeluge kezeŋ-kezeŋımen şekteu engızdı.
Būǧan deiın Nikol Paşinian Reseidıŋ keibır armian önımderınıŋ importyna tyiym saluyn saiasilandyrylǧan şeşım dep baǧalaǧan bolatyn.
