Türkıstan qalasyndaǧy «Kongress Holl» köpsalaly keşenınde Memlekettık qyzmetşıler künıne arnalǧan saltanatty ıs-şara öttı.
Merekelık jiynǧa Türkıstan oblysynyŋ äkımı Nūralhan Köşerov qatysyp, memlekettık qyzmet salasynda jemıstı eŋbek etıp jürgen azamattardy käsıbi merekemen qūttyqtady.
– Sızderdı 23 mausym – Memlekettık qyzmetşı künımen şyn jürekten qūttyqtaimyn! Halyqqa adal qyzmet etu – abyroily jäne maŋyzdy mındet. Prezidentımız Qasym-Jomart Kemelūly Toqaev: «Ärbır memlekettık qyzmetşı memleketşıl boluy kerek» dep atap ötken bolatyn. Sondyqtan Otan aldyndaǧy antymyzǧa adal bolyp, el senımın aqtau – ärqaisymyzǧa jüktelgen ülken senım men jauapkerşılık. Qadırlı ärıptester! Biyl Türkıstan qalasynyŋ oblys ortalyǧy atanǧanyna 8 jyl tolyp otyr. Osy qysqa ǧana uaqyt ışınde sızderdıŋ qajyrly eŋbekterıŋızdıŋ arqasynda Türkıstan oblysy qarqyndy damydy. Öŋırımızde 134 densaulyq saqtau nysany, 443 sport nysany, 185 mektep salyndy. Halyqaralyq talapqa sai sport, mädeniet jäne turizm nysandary boi köterdı. Bügınde osy nysandarda älemdık deŋgeidegı sporttyq jarystar men mädeni ıs-şaralar tūraqty türde ötkızılıp keledı. Juyrda ǧana oblys ortalyǧynda Türkı memleketterı ūiymynyŋ beiresmi sammitı öttı. Bes eldıŋ Prezidentı arnaiy kelıp, tarihi şaharymyz halyqaralyq deŋgeide tanyldy. Türkıstan älem nazarynda boldy. Prezident bastamasymen erekşe märtebege ie bolǧan Türkıstan 8 jylda adam tanymastai özgerdı. Memlekettık qoldaulardyŋ nätijesınde jalpy öŋırlık önım kölemı 3 esege artyp, 5 trillion teŋgege jettı. Oblys halqynyŋ sany 9 paiyzǧa ösıp, 2,1 million adamnan asty. Al Türkıstan qalasynyŋ halqy 165 myŋnan 242 myŋǧa jetıp, 40 paiyzǧa köbeidı. Oblysymyz äleumettık-ekonomikalyq damu körsetkışı boiynşa respublikada köş bastap keledı. Biylǧy bes aidyŋ qorytyndysy boiynşa qysqa merzımdı ekonomikalyq ösım 123,3 paiyzdy qūrap, öŋırımız respublika boiynşa bırınşı orynǧa şyqty. Būl – memlekettık qyzmetşılerdıŋ kündız-tünı atqarǧan jūmysy men maŋdai terınıŋ jemısı. Osy adal eŋbekterıŋız üşın barşaŋyzǧa şynaiy alǧysymdy aitamyn. Bız osy baǧyttaǧy qarqyndy ärı nätijelı jūmystardy jalǧastyra beruımız qajet. Älihan Bökeihanovtyŋ «Ūltqa qyzmet etu bılımnen emes, mınezden» degen ataly sözı bar. Sondyqtan el müddesı jolynda tabandylyq tanytyp, senımdı aqtauǧa mındettımız. Ärdaiym halyq üşın adal qyzmet ete berıŋızder. Sızderge zor densaulyq, otbasylaryŋyzǧa amandyq tıleimın! Elımız tynyş, aspanymyz ärdaiym aşyq bolsyn! – dedı Nūralhan Köşerov.
Merekelık jiynda öŋırdıŋ äleumettık-ekonomikalyq damuyna üles qosyp jürgen memlekettık qyzmetşıler marapattaldy. Oblys äkımı bırqatar azamatqa memlekettık jäne vedomstvolyq nagradalardy, Qūrmet gramotalary men Alǧys hattardy tabystady. Sondai-aq Türkıstan oblystyq mäslihatynyŋ töraǧasy Nūraly Äbışov te öz salasynda üzdık nätijege qol jetkızgen qyzmetkerlerdı marapattady.
Is-şara barysynda Türkıstan oblysynyŋ önerpazdary öner körsetıp, merekelık köŋıl-küi syilady.
Aita keteiık, bügıngı taŋda oblysymyzda 520 mekemede 6 327 memlekettık qyzmetşı jūmys atqaruda. Onyŋ 3 618-ı jergılıktı atqaruşy organdardyŋ qyzmetkerlerı. Ötken jyly meritokratiia qaǧidasymen 262 memlekettık qyzmetşı joǧarylady. Būl – bılım men täjıribenıŋ, eŋbek pen ızdenıstıŋ nätijesı. Memleket basşysynyŋ saiasi reformalarynyŋ arqasynda basqaru jüiesıne jaŋa köşbasşylar keldı. 2021 jyldan berı öŋırımızde 272 auyl äkımı tıkelei halyqtyŋ taŋdauymen sailandy. Öŋırlık kadrlyq rezervke 32 daryndy jas qabyldanyp, bügınde onyŋ 19-y jauapty jūmysqa ornalasty.
