Quat Äuesbai «Qazaq gazetterı» JŞS Bas direktorynyŋ orynbasary qyzmetıne taǧaiyndaldy, dep habarlaidy "Adyrna" ūlttyq portaly.
Quat Äuesbai 2007 jyly äl-Farabi atyndaǧy Qazaq ūlttyq universitetınıŋ Jurnalistika fakultetın bıtırgen. Keiın L.N. Gumilev atyndaǧy Euraziia ūlttyq universitetınde magistratura men doktoranturany tämamdap, 2025 jyly jurnalistika mamandyǧy boiynşa filosofiia doktory (PhD) ǧylymi därejesın ielendı.
Eŋbek jolyn 2005 jyly «Ana tılı» respublikalyq gazetınde tılşı bolyp bastaǧan. Är jyldary «Aiqyn» gazetınıŋ Jambyl oblysyndaǧy menşıktı tılşısı, Memlekettık jer ǧylymi-öndırıstık ortalyǧynyŋ Baspa jäne redaksiialau bölımınıŋ meŋgeruşısı, «Qazaqstan jer resurstary» jurnalynyŋ bas redaktory, «Aq jelken» jurnaly bas redaktorynyŋ orynbasary qyzmetterın atqardy. Sondai-aq «Halyq sözı» respublikalyq qoǧamdyq-saiasi gazetınıŋ bas redaktory, Qazaqstan Respublikasy Parlamentı Senaty Töraǧasy hatşylyǧynyŋ sarapşysy, Ūlttyq muzeidıŋ Jūrtşylyqpen bailanys bölımınıŋ meŋgeruşısı boldy. Keiın «Atyrau-Aqparat» JŞS bas direktorynyŋ orynbasary jäne Jambyl oblystyq «Aq jol» gazetınıŋ direktor – bas redaktory qyzmetterın atqardy.
2019–2021 jyldary «Turkistan» halyqaralyq gazetınıŋ direktory – bas redaktory bolyp eŋbek etse, 2023 jyldan bastap «Egemen Qazaqstan» respublikalyq gazetınde internet-redaksiia jetekşısı, keiın bas redaktordyŋ orynbasary qyzmetın atqardy.
Quat Äuesbaidyŋ aqparat salasyndaǧy eŋbegı joǧary baǧalanyp, «Aqparat salasynyŋ üzdıgı» tösbelgısımen, «Halyq alǧysy» jäne «Eren eŋbegı üşın» medaldarymen, sondai-aq Qazaqstan Respublikasy Prezidentınıŋ Alǧys hatymen marapattalǧan.
