Belgılı akter Azamat Satybaldy Şäken Aimanov atyndaǧy «Qazaqfilm» aksionerlık qoǧamynyŋ prezidentı qyzmetıne taǧaiyndaldy. Būl turaly Mädeniet jäne sport ministrlıgınıŋ baspasöz qyzmetı mälımdedı, dep habarlaidy ”Adyrna” ūlttyq portaly.
Kinostudiia ūjymyna jaŋa basşyny Mädeniet jäne sport ministrı Ashat Oralov tanystyrdy. Ministr «Qazaqfilm» kinostudiiasynyŋ jūmysyn üilestıru abyroily ärı jauapty mındet ekenın aitty.
Otandyq kinoönerdıŋ qara şaŋyraǧy sanalatyn “Qazaqfilm” — auqymdy jäne kürdelı öndırıstık ūiym. Byltyr kinostudiia janynan «Qazaqanimasiia» şyǧarmaşylyq bırlestıgı qūryldy. Memleket basşysynyŋ kinostudiia jūmysyn jaŋǧyrtu jönındegı tapsyrmasyn ıske asyru üşın 87 tehnikalyq jabdyq satyp alyndy. Aldaǧy uaqytta, modernizasiianyŋ ekı kezeŋın bastau kerek,- dedı Ashat Oralov.Sondai-aq, ol ministrlık 2030 jylǧa qarai jalpy kinoprokattaǧy otandyq filmderdıŋ, onyŋ ışınde animasiialyq filmderdıŋ ülesın 36 paiyzǧa deiın ūlǧaituǧa niettı ekenın mälımdedı. Būl rette prokattaǧy qazaq tılındegı filmderdıŋ ülesın 30 paiyzǧa deiın jetkızu közdelıp otyr. Ministr kinostudiianyŋ jaŋa basşysy men ūjymyna sättılık tılep, tabysty jūmys atqaratynyna senım bıldırdı. Aita keteiık, Azamat Satybaldy ūzaq uaqyt M.Äuezov atyndaǧy Qazaq memlekettık akademiialyq drama teatrynda eŋbek ettı. Ǧabit Müsırepov atyndaǧy qazaq memlekettık akademiialyq balalar men jasöspırımder teatryn basqardy. Bügıngı künge deiın Temırbek Jürgenov atyndaǧy Qazaq ūlttyq öner akademiiasynyŋ rektory qyzmetın atqardy.
Ūqsas jaŋalyqtar
