Bılımge salynǧan investisiia: Ustaz Ulytau jobasy Qazaqmysqa qatysy bar öŋırlerdegı 85 mekteptı bırıktırdı

Jezqazǧanda Ustaz Ulytau pedagogikalyq transformasiia ortalyǧynyŋ bes jyldyǧyna  arnalǧan mereitoilyq jiyn öttı.

«Damu traektoriiasy: jaŋa mümkındık» atty taqyryppen ūiymdastyrylǧan ıs-şaraǧa qatysuşylar atqarylǧan jūmysty qorytyndylap, bılım beru salasyn damytudyŋ özektı mäselelerın talqylady.

Sondai-aq mektep, pedagog, sarapşy jäne memlekettık organdar arasyndaǧy yntymaqtastyqtyŋ aldaǧy baǧyttaryn aiqyndady.
Ustaz Ulytau jobasy 2021 jyly «Qazaqmys korporasiiasy» JŞS-nyŋ qoldauymen ıske qosyldy.

Osy uaqyt ışınde joba kompaniiaǧa qatysy bar öŋırlerdegı eŋ ırı bılım beru bastamalarynyŋ bırıne ainalyp, Ūlytau, Qaraǧandy jäne Jambyl oblystaryndaǧy 85 mektep pen ekı kolledjdı jäne ekı qosymşa bılım beru ūiymyn qamtityn deŋgeige jettı.

Jobanyŋ negızgı maqsaty – tūrǧylyqty jerıne qaramastan oquşylardyŋ sapaly bılım aluyna jäne pedagogterdıŋ käsıbi damuyna mümkındık beru. Osy maqsatta mektepterde zamanaui bılım beru ädıstemelerı engızılıp, käsıbi baǧdarlau baǧdarlamalary, STEM-täsılderı men aǧylşyn tılın oqytudyŋ tehnologiialary jüzege asyryluda. Sonymen qatar pedagogter men bılım beru ūiymdarynyŋ basşylaryna arnalǧan bılıktılıktı arttyru baǧdarlamalary jüielı türde jürgızılude.

Jobanyŋ eŋ maŋyzdy nätijelerınıŋ bırı – oquşylar men pedagogter üşın halyqaralyq bılım alu mümkındıgınıŋ aitarlyqtai keŋeiuı boldy. Bes jyl ışınde 43 oquşy, sondai-aq ǧylymi joba baiqauynyŋ jeŋımpazdary men olardyŋ ǧylymi jetekşılerı Ūlybritaniiada tıldık bılım beru baǧdarlamasynan ötuge qol jetkızdı. Sondai-aq 22 pedagog, üş käsıbi baǧdar beruşı maman jäne on mektep direktory halyqaralyq taǧlymdamadan öttı.

Daryndy oquşylardy qoldauǧa erekşe köŋıl bölınude. Joba aiasynda ötkızıletın Qanyş Sätbaev atyndaǧy himiia olimpiadasy bırneşe jyldyŋ ışınde respublikalyq saiystan halyqaralyq deŋgeidegı bılım bäigesıne ainaldy. 2025 jyly olimpiadaǧa Qazaqstan men Qyrǧyzstannyŋ jäne Resei Federasiiasynyŋ komandalary qatysty.

Jeŋımpazdar men jüldegerlerdıŋ qatarynda Ūlytau oblysynyŋ oquşylary da boldy.
Pedagogterdıŋ käsıbi qauymdastyǧyn damytu jobanyŋ maŋyzdy baǧyttarynyŋ bırı bolyp qala beredı. Täjıribe almasu jäne zamanaui basqaru täsılderın engızu maqsatynda Mektep direktorlarynyŋ kluby qūryldy. Bügınde ol 65 bılım beru ūiymynyŋ basşysyn bırıktırıp otyr. Bügınde jobaǧa qatysuşylardyŋ bırqatary bılım beru jüiesınde basşylyq qyzmet atqaryp jür.

Ustaz Ulytau pedagogikalyq transformasiia ortalyǧy QR Oqu-aǧartu ministrlıgımen, Y. Altynsarin atyndaǧy Ūlttyq bılım akademiiasymen, «Daryn» respublikalyq ǧylymi-praktikalyq ortalyǧymen jäne elımızdıŋ jetekşı joǧary oqu oryndarymen tūraqty negızde qarym-qatynas jasaidy. Mūndai yntymaqtastyq öŋırlerde zamanaui bılım beru täjıribesın engızuge jäne bılım sapasyn arttyruǧa yqpal etedı.

Bılım berudı qoldau jäne adam kapitalyn damytu «Qazaqmys» Tobynyŋ äleumettık saiasatynyŋ maŋyzdy baǧyttarynyŋ bırı bolyp qala beredı. Ustaz Ulytau jobasy kompaniianyŋ jas ūrpaqtyŋ damuyna, pedagogterdıŋ käsıbi ösuıne jäne özıne qatysy bar öŋırlerdegı bılım beru sapasyn arttyruǧa baǧyttalǧan jüielı jūmysynyŋ bır bölıgı bolyp tabylady.