Ūlytau oblysynyŋ äkımdıgı men «Qazaqmys korporasiiasy» JŞS özara tüsınıstık jäne yntymaqtastyq turaly memorandumǧa qol qoidy.
Maŋyzdy qūjat aiasynda 20 mlrd teŋgeden astam somaǧa äleumettık bastamalardy jüzege asyru josparlanuda.
Qūjatqa Ūlytau oblysynyŋ äkımı Dastan Ryspekov pen «Qazaqmys Korporasiiasy» JŞS Basqarma töraǧasy Ruslan Öskenälı qol qoidy. Serıktestıktıŋ jaŋa kezeŋı densaulyq saqtau, bılım beru, mädeniet jäne sport salalaryndaǧy jobalardy, öŋır infraqūrylymyn jaŋǧyrtudy, abattandyru jūmystaryn jäne tūrǧyndar üşın qolaily orta qalyptastyrudy qamtidy.
Memorandum aiasynda Ūlytau universitetın aşu közdelgen. Sondai-aq biyl öŋırdegı eŋ ırı jaŋa ortalyq meşıttı (Jezqazǧan qalasy), Sätbaev qalasyndaǧy jaŋa travmatologiialyq punkttı aiaqtap, paidalanuǧa beru josparlanǧan. Būdan bölek, öŋırde teŋdesı joq «Namys» balalar-jasöspırımder sport akademiiasy» sport keşenı 150 oryndyq sport internatymen bırge ıske qosylady.
Oǧan qosa, Jezqazǧanda «Jastar» saiabaǧyn, «Ǧaryşkerler» baqjolyn jäne Keŋgır su qoimasynyŋ jaǧalauyn abattandyru jūmystary jürgızıledı. S.Qojamqūlov atyndaǧy teatr ǧimaratyn da kürdelı jöndeu josparlanǧan.
Bastamalar qatarynda «Ulytau» futbol klubyn qarjylandyrudy jalǧastyru da qarastyrylǧan.
Sonymen qatar jergılıktı atqaruşy organdarǧa infraqūrylymdyq jobalardy jüzege asyruda qoldau körsetu maqsatynda oblystyŋ sumen jabdyqtau, su būru jäne energiiamen qamtu jüielerın jaŋǧyrtuǧa arnalǧan bırqatar jobalyq-smetalyq qūjattama äzırlenedı.
