Ūlytau oblysyndaǧy «Qazaqmys» kenışı opyrylyp, jetı jūmysşynyŋ da mäiıtı tabyldy. Olardyŋ denelerı jer betıne şyǧarylyp, sot-medisinalyq saraptama jürgızu üşın polisiia qyzmetkerlerıne tapsyrdy. Būl turaly tötenşe jaǧdailar ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
«Barlyq jetı jūmysşynyŋ denelerı jer betıne şyǧarylyp, sot-medisinalyq saraptama jürgızu üşın polisiia qyzmetkerlerıne tapsyrdy», - dep habarlady seisenbı künı.
Olardyŋ jeke tūlǧalary anyqtaluda.
Qazırgı uaqytta oqiǧanyŋ barlyq män-jailaryn anyqtau maqsatynda tergeu jürgızılude.
Tötenşe jaǧdailar ministrlıgınıŋ jedel ştaby aşqan «qūlaqqaǧys jelısı» arqyly qazırge deiın 23 qoŋyrau tüsken.
Sonymen qatar, Memleket basşysy Qasym-Jomart Toqaev «Qazaqmys» korporasiiasynyŋ Ūlytau oblysyndaǧy kenışınde tau massasynyŋ qūlauy saldarynan qaza bolǧan jūmysşylardyŋ tuǧan-tuystary men jaqyndaryna köŋıl aitu jedelhatyn joldady.
Prezident Ükımetke tötenşe jaǧdaidyŋ män-jaiyn mūqiiat tekseru jönınde mındet jüktedı.
Salalyq vedomstvolar men öŋır äkımdıgıne marqūmdardyŋ otbasylaryna barlyq qajettı kömek körsetu turaly tapsyrma berdı.
Būǧan deiın Ūlytau oblysynda şahtada 7 jūmysşy üiındı astynda qalyp qoiǧany turaly habarladyq. Oqys oqiǧa 17 aqpanda Jaŋaarqa audanynda ornalasqan «Jomart» kenışınde bolǧan.
Eske salsaq, 2023 jyly 28 qazan tüngı saǧat 02:33-te Qaraǧandy oblysyndaǧy «ArselorMittal Temırtauǧa» qarasty Kostenko atyndaǧy şahtada ör bolyp, 46 kenşı köz jūmyp, 28 kenşı jaraqattanǧan bolatyn.
Oqiǧa kezınde şahtada 252 adam bolǧan, 206 kenşı syrtqa şyǧyp ülgergen edı.
Bügınde būl oqiǧaǧa qatysty 106 tomdyq qylmystyq ıs sotqa jıberıldı.
Tergeu barysynda jazataiym oqiǧaǧa tau-ken jūmystary kezınde qauıpsızdık erejelerınıŋ jappai būzyluy sebep bolǧany anyqtaldy.
Şahta basşylyǧy men injenerlık-tehnikalyq qyzmetkerler qatarynan 10 adam qylmystyq jauapkerşılıkke tartyldy. Barlyǧy qamauda. Olarǧa Qazaqstan Respublikasy Qylmystyq kodeksınıŋ 277-babynyŋ 3-bölıgı boiynşa ("tau-ken jūmystary kezınde qauıpsızdık erejelerın būzu") aiyp taǧyldy, atalǧan bap boiynşa 8 jylǧa deiın bas bostandyǧynan aiyru jazasy qarastyrylǧan.
