Alaköl kölınde demaluşylardyŋ qauıpsızdıgıne soŋǧy jyldarda erekşe nazar audaryluda. Osy maqsatta jaǧalau aumaǧyndaǧy täulık boiy kezekşılıkke 14 qūtqaruşy, 11 motorly qaiyq tartylǧan. Qoǧamdyq tärtıptı saqtau üşın biylǧy mausymda 50 polisiia qyzmetkerı jūmyldyrylyp, olardyŋ qyzmetıne 16 avtokölık pen 5 dron paidalanyluda. Būl turaly oblys äkımı Beibıt İsabaevtyŋ köl jaǧalauynyŋ şomylu mausymyna daiyndyǧyn köruge Alaköl audanyna barǧan saparynda aityldy, - dep habarlaidy Jetısu oblysy äkımınıŋ baspasöz qyzmetı.
Sol siiaqty demaluşylardyŋ qauıpsızdıgın qamtamasyz etu üşın jaǧalau boiynda 40 qūtqaru mūnarasy ornatylyp, 13 şaqyrym buik jelısı tartyldy. Sonymen qatar 39 beinebaqylau kamerasy jūmys ıstep, 7 pirs paidalanuǧa berılgen.
Alaköl audanyna barǧan saparynda öŋır basşysy Aqşi auylyndaǧy jaǧalauda ornalasqan jedel qūtqaru jasaǧynyŋ bölımşesınde bolyp, ondaǧy Jedel basqaru ortalyǧy jüiesınıŋ jūmysymen tanysty. Arnaiy mamandar jaǧalaudaǧy beinekameralar men ortalyq jüienıŋ özara bailanysy turaly baiandap berdı. Osy oraida Beibıt İsabaev qoqys şaşqan, rūqsat etılmegen orynǧa kölık qoiǧan, basqa da tärtıp būzǧan azamattardyŋ beinejazbalar arqyly anyqtalyp, zaŋ aiasynda jauapqa tartylatynyn demaluşylar arasynda keŋınen tüsındıru kerektıgın tapsyrdy.
- Qauıpsızdıktı qamtamasyz etuge, tärtıptıŋ saqtaluyna tiıstı jaǧdailar jasadyq, endı būl özınıŋ tiımdılıgın ıs jüzınde körsetuı tiıs. Baqylau jüiesınıŋ qalai jūmys ısteitının, anyqtalǧan zaŋ būzuşylyqtar boiynşa qandai şaralar qoldanylatynyn halyq arasynda tüsındırıŋızder. Demaluşylar tärtıp saqtaudyŋ, sanitarlyq tazalyqtyŋ, ömır qauıpsızdıgınıŋ asa maŋyzdy ekenın ūǧynuy kerek, - dedı B. İsabaev.
Eske salsaq, ötken jyly Jetısu oblysynda ortaq su paidalanu jäne su aidyndaryndaǧy qauıpsızdık erejelerı bekıtılgen bolatyn.
Aqşi aumaǧynda bırneşe jyldan berı qūtqaru qyzmetınde jürgen Elaman Ahmetqaliev öz oiyn bıldırdı.
- Men Aqşi auylynyŋ tūrǧynymyn. Qūtqaru qyzmetınde jürgenıme 6 jyl boldy. Jūmysym özıme ūnaidy, qūtqaruşy asa maŋyzdy mamandyq dep esepteimın. Bız ekı auysymmen kezekşılık etemız, osylaişa patruldeu jūmysy üzdık jürgızıledı, - dedı ol.
Atap ötsek, sonymen qatar turisterge sapaly jäne jedel medisinalyq kömek körsetu üşın Aqşi auylynda 4 därıger, 2 orta buyn medisina qyzmetkerı qyzmet atqarady. Sonymen qatar jedel järdem kölıgı men sanitarlyq avtokölık täulık boiy kezekşılık etedı. Al Köktūma auylynda 6 medisina qyzmetkerı jūmys ısteidı. Demaluşylarǧa qajettı medisinalyq kömek körsetu üşın sanitarlyq avtokölık qyzmet körsetude.
