Almaty oblysy ákiminiń birinshi orynbasary Lazzat Turlashov jýyrda Alakól aýdanyna arnaıy is-saparmen bardy.
Óńirde qurylys salasynda atqarylyp jatqan jumystardy baǵamdap, tıisti tapsyrmalar bergen L.Turlashov eń aldymen aýdan ortalyǵy Úsharal qalasynyń shyǵys bóliginde jańadan boı kóterip jatqan shaǵyn aýdanǵa atbasyn burdy. Munda qurylysy júrip jatqan 20 jáne 60 páterli turǵyn úılerdiń jaǵdaıyn tarazylap, belgilengen ýaqytta paıdalanýǵa berilýin qadaǵalaýdy tapsyrdy.
- Ár nysan osy óńirge, aınalaǵa ár berip turýy kerek. Eń bastysy, halyqqa qolaıly bolýy shart. Sondyqtan qujattardyń zań aıasynda rásimdelýimen qatar salyný tártibi, abattandyrylýy men sapasyna, sáni men sáýletine basa nazar aýdarǵan jón. Bul baǵyttaǵy jumystardy qadaǵalap, zańsyzdyqtarǵa jol bermeý - ózekti másele, - dedi Lazzat Mahatuly.
Sondaı-aq, ataýly jumystarǵa jaýapty tulǵalar men merdigerlerge tapsyrmalar berdi. Aıdyndy óńirdiń aıbynyn asyryp otyrǵan tirek salalarynyń biri týrızm bolǵan soń, L.Turlashov kól boıyndaǵy Aqshı aýyldyq okrýginde de atqarylyp jatqan jumystarmen tanysty. Oblystaǵy áleýetti týrıstik aıma jylyna mıllıonnan astam meıman qabyldaýǵa qýatty aýyldyń potenıaly joǵary. Sondyqtan da jaǵany shaıǵan sý tolqyndaryna tosqaýyl qoıyp, bekitý jumystaryn júrgizý kún tártibinen túsken emes. Qazirgi tańda 13,550 shaqyrymǵa júrgizilip jatqan jaǵalaý bekitý jumystaryn zerdelep, osy iske jaýapty «Spestroı» JShS ókilderimen áńgimelesti. Munan bólek, aýyldaǵy aýyzsý, káriz júıelerin júrgizý qarqynyn arttyrý keregin de tilge tıek etti.
- Alakól – oblystaǵy týrıstik áleýeti óte joǵary óńir. Shetel azamattary men el turǵyndaryna sapaly qyzmet kórsetýden buryn qaýipsizdik pen zaman suranysyna saı qoljetimdilikti qamtamasyz etý mańyzdy sharýa. Sonyń ishinde kól jaǵasyn bekitý isin kesheýildetpeý kerek. Bul baǵyttaǵy jumystarǵa qadaǵalaý da qatań, - dedi oblys ákiminiń orynbasary L.Turlashov.
