Almaty oblysy äkımınıŋ bırınşı orynbasary Lazzat Tūrlaşov juyrda Alaköl audanyna arnaiy ıs-saparmen bardy.
Öŋırde qūrylys salasynda atqarylyp jatqan jūmystardy baǧamdap, tiıstı tapsyrmalar bergen L.Tūrlaşov eŋ aldymen audan ortalyǧy Üşaral qalasynyŋ şyǧys bölıgınde jaŋadan boi köterıp jatqan şaǧyn audanǧa atbasyn būrdy. Mūnda qūrylysy jürıp jatqan 20 jäne 60 päterlı tūrǧyn üilerdıŋ jaǧdaiyn tarazylap, belgılengen uaqytta paidalanuǧa berıluın qadaǧalaudy tapsyrdy.
- Är nysan osy öŋırge, ainalaǧa är berıp tūruy kerek. Eŋ bastysy, halyqqa qolaily boluy şart. Sondyqtan qūjattardyŋ zaŋ aiasynda räsımdeluımen qatar salynu tärtıbı, abattandyryluy men sapasyna, sänı men säuletıne basa nazar audarǧan jön. Būl baǧyttaǧy jūmystardy qadaǧalap, zaŋsyzdyqtarǧa jol bermeu - özektı mäsele, - dedı Lazzat Mahatūly.Sondai-aq, atauly jūmystarǧa jauapty tūlǧalar men merdıgerlerge tapsyrmalar berdı. Aidyndy öŋırdıŋ aibynyn asyryp otyrǧan tırek salalarynyŋ bırı turizm bolǧan soŋ, L.Tūrlaşov köl boiyndaǧy Aqşi auyldyq okrugınde de atqarylyp jatqan jūmystarmen tanysty. Oblystaǧy äleuettı turistık aima jylyna millionnan astam meiman qabyldauǧa quatty auyldyŋ potensialy joǧary. Sondyqtan da jaǧany şaiǧan su tolqyndaryna tosqauyl qoiyp, bekıtu jūmystaryn jürgızu kün tärtıbınen tüsken emes. Qazırgı taŋda 13,550 şaqyrymǧa jürgızılıp jatqan jaǧalau bekıtu jūmystaryn zerdelep, osy ıske jauapty «Spesstroi» JŞS ökılderımen äŋgımelestı. Mūnan bölek, auyldaǧy auyzsu, kärız jüielerın jürgızu qarqynyn arttyru keregın de tılge tiek ettı.
- Alaköl – oblystaǧy turistık äleuetı öte joǧary öŋır. Şetel azamattary men el tūrǧyndaryna sapaly qyzmet körsetuden būryn qauıpsızdık pen zaman sūranysyna sai qoljetımdılıktı qamtamasyz etu maŋyzdy şarua. Sonyŋ ışınde köl jaǧasyn bekıtu ısın keşeuıldetpeu kerek. Būl baǧyttaǧy jūmystarǧa qadaǧalau da qataŋ, - dedı oblys äkımınıŋ orynbasary L.Tūrlaşov.
Ūqsas jaŋalyqtar
