Pavlodar oblysyndaǧy B. Ahmetov atyndaǧy Joǧary pedagogikalyq kolledjdıŋ oqytuşysy Gülmira Meşıtbaeva halyqaralyq deŋgeidegı bedeldı marapatqa ie boldy. Ol ETF New Learning Award 2026 baiqauy aiasynda tabystalatyn INSPIRATION AWARD syilyǧynyŋ laureaty atandy.
Baiqauǧa qatysuşy pedagog bolaşaq bastauyş synyp mūǧalımderın daiarlau barysynda qoldanylatyn SCAFFOLD-kartalar ädısıne negızdelgen innovasiialyq täjıribesın ūsyndy. Būl täsıl studentterdıŋ şyǧarmaşylyq jäne sifrlyq daǧdylaryn damytuǧa baǧyttalǧan.
Joba aiasynda studentter bılım beru maqsatyndaǧy türlı platformalar men saittar äzırlep, olardy beinematerialdar jäne interaktivtı tapsyrmalarmen tolyqtyrady. Mūndai resurstardy mektep oquşylary, mūǧalımder men ata-analar paidalana alady.
Gülmira Meşıtbaevanyŋ jūmysy halyqaralyq sarapşylar tarapynan joǧary baǧalanyp, pedagog öz täjıribesın tanystyru üşın Belgiianyŋ Briussel qalasynda ötetın halyqaralyq konferensiiaǧa şaqyrtu aldy.
Būl jetıstık qazaqstandyq pedagogterdıŋ halyqaralyq bılım beru keŋıstıgındegı äleuetın taǧy bır märte däleldep, otandyq bılım beru salasynyŋ damuyna qosylǧan maŋyzdy üles retınde baǧalanuda.
