İran bilıgı jappai narazylyqtar kezınde qaza tapqandardyŋ aldyn ala tızımın jariialady. 1 aqpan künı prezident Masud Pezeşkiannyŋ äkımşılıgı jariialaǧan qūjatta 2 985 adamnyŋ deregı körsetılgen, dep habarlaidy «Adyrna» tılşısı.
Mälımdemede resmi qaza tapqandar sany 3 117 adam dep körsetılgenı, al jariialanǧan tızımdegı marqūmdar sany odan 131-ge kem ekenı aitylǧan. Bilık būl aiyrmaşylyqty 131 adamnyŋ jeke basy älı anyqtalmaǧanymen tüsındırdı, olardyŋ aty-jönderı qosymşa tızımde berılmek.
Aita keteiık, İrandaǧy tolqular 29 jeltoqsanda rial baǧamynyŋ kürt tömendeuıne bailanysty ötken köşedegı narazylyq aksiialarynan keiın bastalyp, eldıŋ köptegen ırı qalalaryn qamtyǧan edı. İran syrtqy ıster ministrı Abbas Aragchidıŋ aituynşa, 8 qaŋtardan bastap şeruşıler arasynda qaruly terrorister paida bolǧan. Tegeranda tärtıpsızdıkterdı ūiymdastyru jauapkerşılıgı İzrail men AQŞ-qa jükteldı.
23 qaŋtarda Aragchi qaza tapqandardyŋ jalpy sany 3 117 adam ekenın habarlap, olardyŋ arasynda beibıt tūrǧyndar da, qauıpsızdık küşterınıŋ qyzmetkerlerı de bar ekenın mälımdegen.
