Osy demalys künderı Qazaqstannyŋ keibır tūrǧyndary internet pen jekelegen onlain-resurstardyŋ jūmysynda ırkılısterge tap boldy. Oqiǧanyŋ sebebın QR Jasandy intellekt jäne sifrlyq damu ministrlıgı tüsındırdı, dep habarlaidy "Adyrna".
Vedomstvo mälımetınşe, aqau qūrylys jūmystary kezınde magistraldyq talşyqty-optikalyq bailanys jelısınıŋ zaqymdanuyna bailanysty bolǧan.
«Qazaqtelekom» AQ ūsynǧan aqparatqa säikes, qūrylys tehnikasy halyqaralyq internet-trafik ötetın negızgı baǧyttardyŋ bırın qamtamasyz etetın kabeldı zaqymdaǧan. Mamandar trafiktı jedel türde rezervtık arnalarǧa auystyryp, bailanystyŋ tolyq üzıluıne jol bermedı, – dep mälımdedı ministrlık.
Qazırgı uaqytta zaqymdanǧan uchaskede qalpyna keltıru jūmystary jalǧasyp jatyr.
Sifrlyq damu ministrlıgı jöndeu jūmystary aiaqtalǧannan keiın jelı qalypty rejimde tolyq jūmys ısteitının mälımdedı.
