QR Mädeniet jäne aqparat ministrı Aida Balaeva Qoja Ahmet Iаssaui kesenesınıŋ jöndeu qūrylysyna qatysty pıkır aitty, dep habarlaidy «Adyrna» ūlttyq portaly.
Esterıŋızde bolsa, Ūlttyq qauıpsızdık komitetı Türkıstandaǧy Qoja Ahmet Iаssaui kesenesınde qoldan jasalǧan jarylǧyş zatty jaryp jıbergısı kelgenderdıŋ äreketı anyqtalǧanyn mälımdegen edı. Al ministrdıŋ sözınşe, nysan tolyq baqylauda.«Nysan tolyq baqylauda. Qaitarymsyz bolatyndai sebep joq. Qazırgı uaqytta kesenenenıŋ jalpy jaǧdaiyna äser etetın yqtimal faktılerdı zertteu jūmystary jürgızılıp jatyr» - deidı Aida Balaeva.Sondai-aq kesenenıŋ bolaşaqqa bülınbei jetuı jolynda tolyqqandy jaǧdai jasalatynyn jetkızdı.
«Būl jūmys jüielı türde biyl da, aldaǧy jyldary da jasalatyn tört mausymdy qamtityn köpjaqty jūmys. Onyŋ jer, su jaǧdaiy, aua ainalymy, basqa da jalpy qūrylymyna äser etetın faktılerge jetkılıktı nazar audaryp, qajet bolsa kez kelgen özgerısterge şara qabyldap otyramyz. Būl jūmystardyŋ nätijesımen biyl jazda Türkıstanǧa arnaiy memlekettık keŋesşısımen bırge kelgen IýNESKO-nyŋ bas direktory Odri Azule hanym da mūqiiat tanysty. Ärine, bız mūndai jūmysty IýNESKO-nyŋ bükılälemdık mūra tızımıne engen basqa da on obektılerdı de qolǧa alyp jasaityn bolamyz. Öitkenı ūlttyŋ osynau ruhani-tarihi mūrasyn keleşekke büldırmei aman jetkızu perzenttık paryzymyz», - dep atap öttı ministr.
«Adyrna» ūlttyq portaly
Ūqsas jaŋalyqtar
