25 qazan kúni ınternet óshirilmeıdi. Bul týraly Qazaqstan Respýblıkasynyń Ishki ister mınıstrligi aıtty, dep habarlaıdy “Adyrna” ulttyq portaly Zakon.kz portalyna siltep.
Áleýmettik jelide 25 qazan kúni ınternet óshiriledi degen aqparat tarady. Ishki ister mınıstrligi bul aqparatty taratqan avtordy izdeýde.
Aqparat shyndyqqa janaspaıdy. Ishki ister organdary jalǵan habarlama taratýshyny izdestirý boıynsha sharalar qabyldap jatyr. QR IIM azamattardy arandatýshylyqqa berilmeýge shaqyrady jáne Qylmystyq kodekstiń 274-babyna sáıkes kórineý jalǵan aqparat taratqany úshin qylmystyq jaýapkershilik qarastyrylatynyn eskertedi, - dep habarlady vedomstvodan.
Aıta keteıik, 2023 jyly 17 qazanda áleýmettik jelide polıııa kólikteriniń kolonnasy túsirilgen vıdeo tarady.
Qazaqstannyń quqyq qorǵaý organdary 25 qazandaǵy mıtıngige daıyndalyp jatqanyn aıtady. Bul qaýesetterge QR Ishki ister mınıstriniń orynbasary Igor Lepeha túsinikteme berdi. Ol el aýmaǵynda qyzmeti zańsyz "Qazaqstannyń demokratııalyq tańdaýy" ekstremıstik uıymynyń músheleri kópti mıtıngige shyǵýǵa shaqyratynyn atap ótti. Onyń aıtýynsha, IIM QDT múshelerine elimizde mıtıngi ótkizýine ruqsat bermeıdi.
