25 qazan künı internet öşırılmeidı. Būl turaly Qazaqstan Respublikasynyŋ Işkı ıster ministrlıgı aitty, dep habarlaidy “Adyrna” ūlttyq portaly Zakon.kz portalyna sıltep.
Äleumettık jelıde 25 qazan künı internet öşırıledı degen aqparat tarady. Işkı ıster ministrlıgı būl aqparatty taratqan avtordy ızdeude.
Aqparat şyndyqqa janaspaidy. Işkı ıster organdary jalǧan habarlama taratuşyny ızdestıru boiynşa şaralar qabyldap jatyr. QR IIM azamattardy arandatuşylyqqa berılmeuge şaqyrady jäne Qylmystyq kodekstıŋ 274-babyna säikes körıneu jalǧan aqparat taratqany üşın qylmystyq jauapkerşılık qarastyrylatynyn eskertedı, - dep habarlady vedomstvodan.
Aita keteiık, 2023 jyly 17 qazanda äleumettık jelıde polisiia kölıkterınıŋ kolonnasy tüsırılgen video tarady.
Qazaqstannyŋ qūqyq qorǧau organdary 25 qazandaǧy mitingıge daiyndalyp jatqanyn aitady. Būl qauesetterge QR Işkı ıster ministrınıŋ orynbasary İgor Lepeha tüsınıkteme berdı. Ol el aumaǧynda qyzmetı zaŋsyz "Qazaqstannyŋ demokratiialyq taŋdauy" ekstremistık ūiymynyŋ müşelerı köptı mitingıge şyǧuǧa şaqyratynyn atap öttı. Onyŋ aituynşa, IIM QDT müşelerıne elımızde mitingı ötkızuıne rūqsat bermeidı.
