Pavlodarda äleumettık jelıde qazaq halqyn qorlap, Resei prezidentı Vladimir Putinnen Qazaqstanǧa äsker kırgızudı sūraǧan äiel ūstaldy. Būl turaly Ūlttyq qauıpsızdık komitetı aitty, dep habarlaidy «Adyrna» tılşısı.
«28 qazanda separatistık sipattaǧy video jariialady degen küdıkke ılıngen jergılıktı tūrǧyn ūstaldy. Qazır sotqa deiıngı tergeu bastaldy. Ol būǧan deiın esırtkı zattaryn ötkızgenı üşın sottalǧan», – delıngen habarlamada.
Būǧan deiın äleumettık jelılerde özın Olga Mūhametjanova dep tanystyrǧan äieldıŋ videosy taraǧan edı. Ol Ekıbastūz qalasynda düniege kelgenın aitqan.
Öz ündeuınde äiel Resei prezidentı Vladimir Putinnen Qazaqstanǧa Resei äskerın kırgızudı sūraǧan. Sonymen qatar qazaq halqyna tıl tigızıp, Qazaqstannyŋ bırqatar qalasy Reseige tiesılı degen mälımdeme jasaǧan. Beinejazba qoǧamda ülken rezonans tudyryp, qūqyq qorǧau organdarynyŋ nazaryn audarǧan bolatyn.
