Deputat Aituovtyŋ plastikalyq operasiiadan keiın qaitys boluyna bailanysty jekemenşık medisinalyq ortalyqta jürgızılgen jospardan tys tekseru barysynda bırqatar öreskel zaŋbūzuşylyq anyqtaldy, dep habarlaidy "Adyrna" ūlttyq portaly.
Būl turaly Densaulyq saqtau ministrlıgınıŋ Medisinalyq jäne farmasevtikalyq baqylau komitetı mälımdedı.
Vedomstvonyŋ habarlauynşa, tekseru nätijesınde medisinalyq ūiymnyŋ emdeu-diagnostikalyq jūmystary men medisinalyq qūjattardy jürgızuınde eleulı kemşılıkter anyqtalǧan. Mälımetke säikes, Erbol Aituov 2026 jyldyŋ 4 säuırınde plastikalyq operasiiadan keiın jaǧdaiy kürt naşarlap, jedel järdem qyzmetımen Maŋǧystau oblystyq köpbeiındı auruhanasynyŋ jansaqtau bölımıne jetkızılgen. Tekseru barysynda marqūmnyŋ II tiptı qant diabetımen auyratyny jäne dispanserlık esepte tūrǧany belgılı bolǧan. Alaida operasiia aldynda pasient endokrinologtyŋ keŋesıne jıberılmegen ärı qandaǧy qant deŋgeiın tūraqtandyru boiynşa qajettı şaralar qabyldanbaǧan.
Farmbaqylau departamentınıŋ mälımetınşe, operasiia aldyndaǧy tekseruler jürgızılgenımen, täuekelderdı baǧalau jäne pasienttı operasiiaǧa daiyndau jūmystary qoldanystaǧy standarttarǧa tolyq säikes oryndalmaǧan.
Sondai-aq josparly operasiiaǧa rūqsat beru turaly şeşımdı qabyldaǧan klinikanyŋ bas därıgerı ärı plastikalyq hirurgı nauqasta qatar jüretın aurulardyŋ boluyna qaramastan qosymşa tekseruler taǧaiyndamaǧan jäne endokrinolog pen terapevtke joldamaǧan. Tekseru qorytyndysy boiynşa medisinalyq mekemege anyqtalǧan zaŋbūzuşylyqtardy joiu turaly nūsqama berılıp, jinalǧan materialdar qūqyqtyq baǧa beru üşın Maŋǧystau oblysynyŋ polisiia departamentı men prokuratura organdaryna joldandy.
Vedomstvonyŋ mälımetınşe, atalǧan klinikaǧa būǧan deiın de, naqtyraq aitqanda 2023 jäne 2025 jyldary pasientterdıŋ şaǧymdary negızınde jospardan tys tekseruler jürgızılgen. Medisinalyq mekeme 2015 jyly berılgen lisenziia negızınde jūmys ısteidı.
Densaulyq saqtau salasyndaǧy baqylau organy plastikalyq operasiialardy jürgızu üşın jalpy medisinalyq lisenziiadan bölek arnaiy rūqsat qūjattary qajet ekenın atap öttı.
