Mańǵystaý oblysyndaǵy joldyń birinde qoqys tasıtyn kólik jarylǵan. Jarylystyń kúshti bolǵany sonsha, jaqyn mańdaǵy ǵımarattardyń áınegi qırap ketken, - dep habarlaıdy “Adyrna” ulttyq portaly Mańǵystaý oblysynyń tótenshe jaǵdaılar departamentine silteme jasap.
7 qyrkúıek kúni saǵat 12:01-de Munaıly aýdanynda «Áıgerim» meıramhanasynyń mańyndaǵy jol boıynda qoqys tasıtyn kólik órtendi. Kólik ishinde bolǵan gaz ballony jarylyp, jarylys tolqyny 20 metr qashyqtyqta ornalasqan azyq-túlik dúkeniniń terezelerin syndyryp, bannerine zaqym keltirgen.
Qurbandar men zardap shekkender joq. Órt saǵat 12:14-te sóndirildi. Órtti sóndirýge jeti órt sóndirýshi men eki tehnıka jumyldyryldy.
