Mänerlep syrǧanauşy, Olimpiada chempiony Mihail Şaidorov jalaqy tölemderı men kelısımşartqa qatysty Turizm jäne sport ministrlıgınıŋ tüsınıktemesıne jauap berdı, dep habarlaidy «Adyrna» tılşısı.
Sportşy qazaqstandyqtarǧa qoldau körsetkenı üşın alǧys aityp, memlekettık organdarmen «daulasqysy kelmeitının», alaida jaǧdaiǧa tüsınık berudı maŋyzdy sanaitynyn mälımdedı.
Şaidorovtyŋ aituynşa, ol 2025 jyly älem chempionatynda kümıs jülde jeŋıp alyp, eŋbek sıŋırgen sport şeberı ataǧyna qoiylatyn talapty oryndaǧanymen, osy uaqytqa deiın tiıstı kuälıktı almaǧan.
«Maǧan qyzyl kılem töselgen saltanatty räsımnıŋ qajetı joq. Kuälıktı poşta arqyly konvertpen jıberse de aluǧa daiynmyn. Būl kuälık – on jyldyq eŋbegımnıŋ nätijesı. Olimpiada oiyndaryndaǧy jeŋıs üşın berıletın syiaqyǧa kelsek, būl räsımnıŋ belgılı bır uaqytty qajet etetının bılemın jäne osy baǧytta jūmys jürıp jatqanyna senımdımın. Būl mäselege qatysty menıŋ eşqandai şaǧymym joq», – dedı ol.
Sportşy ömır boiy tölenetın tölemderge qatysty aqparatty ministrlık dūrys tüsındırmegenın jetkızdı. Şaidorov mūndai tölemderdı alu üşın kemınde 20 jyl eŋbek ötılı boluy qajet ekenın, al özınıŋ jasy nebärı 21-de ekenın aitty. Sondyqtan mūndai qoldau turaly söz qozǧauǧa älı erte ekenın atap öttı.
«Jalaqy mäselesıne kelsek. Basqa da köptegen joǧary därejelı sportşylar siiaqty men jalaqyny Federasiia men Sportty damytu direksiiasynan alamyn. Federasiiamen kelısımşart jasalǧan. Bıraq maǧan aitylǧandai, Sportty qoldau qory qarjylandyru turaly ötınımdı qarap jatqandyqtan tölemder keşıktırılude. Sonyŋ saldarynan men de, menıŋ komandam da bes aidan berı jalaqy alǧan joq. Al Sportty damytu direksiiasy maǧan qaŋtar aiynyŋ jäne 2026 jyldyŋ 22 aqpanyna deiıngı kezeŋnıŋ jalaqysyn töledı», – dedı Şaidorov.
Ol 2026 jylǧa arnalǧan jaŋa kelısımşartty talqylau tek mamyr aiynyŋ ortasynda bastalǧanyn habarlady, būl onyŋ ökıldermen jazysqan hattarymen rastalady. Sportşynyŋ aituynşa, kelısımnıŋ älı künge deiın maqūldanbauy BAQ-ta aitylyp jürgendei somamen kelıspeuşılıkten nemese qatysudan bas tartudan emes, müldem basqa sebepterge bailanysty. Sondai-aq ol 2026 jyldyŋ soŋyna deiın jaramdy kelısımşart jobasynda 2030 jylǧy Olimpiada oiyndarynda medal jeŋıp alu turaly mındetteme körsetılgenın atap öttı.
«Bız zaŋdyq tūrǧydan būl tarmaqty qaita qaraudy sūradyq. Sebebı būl – qisynsyz ärı mümkın emes talap. Men 2026 jyly tört jyldan keiın ötetın Olimpiadada jeŋıske jete almaimyn ǧoi. Osy mäseleler boiynşa zaŋgerlerge jügındık, tarmaqty qaita qaraudy ötındık. Bıraq būqaralyq aqparat qūraldarynda aitylyp jürgendei bızben eşkım bailanysqa şyqqan joq. Qazır bolyp jatqan jaǧdailardy eskere otyryp, tölemder, kelısımşart jasau jäne basqa da mäseleler ädeiı sozylyp kelgen siiaqty degen oidamyn. Sondyqtan būl turaly aşyq aittym», – dep qosty Olimpiada chempiony.
Şaidorov süiıktı ısımen ainalysyp jürgendıkten özın baqytty sezınetının aitty. Ol aqşa basty maqsat emes ekendıgın, tek būryn berılgen uädelerdıŋ oryndaluyn kütetının jetkızdı.
Būǧan deiın Mäjılıs deputaty Ashat Rahymjanov Mihail Şaidorovtyŋ bırneşe ai boiy jalaqy almauyna bailanysty jaǧdaidy rettep, kınälılerdı jauapqa tartu qajet ekenın aitqan bolatyn.
