Halyqty därı-därmekpen qamtamasyz etıp otyrǧan jalǧyz kompaniia - "SQ-Farmasiia" JŞS-nyŋ direktory Erhat Esqaliev resmi türde bekıtılgen 1,3 mln teŋge jalaqydan ai saiyn qolyma tüsetını - 1 mln teŋge şamasyndaǧy qarajat deidı. Bügın Ortalyq kommunikasiialar qyzmetınde brifing ötkızgen ol jalaqysyna qatysty sūraqqa tolyq jauap bere almai, qaimaǧyn ǧana qalqyp berdı.
Dälırek aitsaq, jurnalister odan 1,3 mln teŋge jalaqy qalai qalyptasyp otyrǧanyn, Esqalievtıŋ özı būl jalaqyny az nemese köpke jatqyza ma jäne ai saiyn būl jalaqyny qandai maqsattarǧa jūmsaitynyn sūrady.
"Menıŋ jalaqymdy kompaniianyŋ baqylauşy keŋesı bekıtken. Ai saiyn salyqtardy alyp tastaǧanda, qolyma bır million teŋgege juyq aqşa tüsedı", - dedı. Bıraq, būl qarajat "otbasyn asyrauǧa jete me, negızgı şyǧyndaryŋyz qandai" degen sūraqqa Esqaliev jauap bergen joq.Ol sondai-aq, qosymşa sūraqtarǧa jauap bere otyryp, bızdıŋ eldegı därıgerler de 1 mln teŋge jalaqy aluǧa laiyqty dedı. Tıptı, Esqaliev däl qazır million teŋge eŋbekaqy alyp jürgen därıgerler bar deidı.
"Därıgerlerdıŋ jalaqysy turaly aitu menıŋ qūzyrymda emes, bıraq, olar 1 mln teŋge ailyq aluǧa laiyqty dep oilaimyn. Qazır menıŋ bıluımşe, qosymşa üstemaqylardy qosqanda, osynşa jalaqy alyp jürgen därıgerler bar", - dedı ol.Esterıŋızge sala keteiık, bırneşe apta būryn "Habar.24" telearnasy sūhbat bergen "SQ-Farmasiia" JŞS-nyŋ basqarma töraǧasy Erhat Esqaliev resmi jalaqysy 1,3 mln teŋge ekenın habarlaǧan edı.
Erke Jomart,
"Adyrna" ūlttyq portaly
Ūqsas jaŋalyqtar
