Deputat köz jūmǧan klinika ökılderı jelıdegı aqparatqa jauap berdı, dep habarlaidy "Adyrna" ūlttyq portaly.
Klinika ökılderınıŋ aituynşa, jelıde tarap jatqan keibır mälımetter şyndyqqa säikes kelmeidı. Mekeme taratqan habarlamada jariialanymdarda aiyp taǧylǧan därıgerdıŋ atalǧan operasiiany jürgızbegenı aitylǧan.
Sonymen qatar klinika marqūm Erbol Aituovtyŋ otbasy men jaqyndaryna köŋıl aitty. Būǧan qosa, äleumettık jelılerde aitylǧan «klinikanyŋ lisenziiasy joq» degen aqparat ta joqqa şyǧaryldy.
Klinika mälımetınşe, mekeme 2015 jylǧy 31 şıldede berılgen №00650DE lisenziiasy negızınde jūmys ısteidı. Lisenziia aiasynda anesteziologiia jäne reanimatologiia qyzmetterın körsetuge rūqsat bar ekenı habarlandy.
Sondai-aq klinika Medisinalyq jäne farmasevtikalyq baqylau komitetınıŋ tekseruı aiaqtalǧanǧa deiın BAQ ökılderın, pablik äkımşılerın jäne äleumettık jelı qoldanuşylaryn tekserılmegen aqparat taratpauǧa şaqyrdy.
Aita keteiık, Maŋǧystau oblysy mäslihatynyŋ deputaty Erbol Aituov Aqtaudaǧy jekemenşık klinikada jasalǧan otadan keiın qaitys bolǧany turaly jazǧan edık.
