Búgin Parlament palatalarynyń birlesken otyrysy ótip, onda segizinshi saılanǵan Parlamenttiń birinshi sessııasy resmı túrde jabyldy, dep habarlaıdy «Adyrna» tilshisi.
Depýtattar bıylǵy 1 qyrkúıekke deıin parlamenttik kanıkýl dep jarııalanatyny týraly arnaıy qaýly qabyldady.
«Halyq qalaýlylarynyń jańa tolqyny keldi. Uzaq ýaqyttan keıin alǵash ret Májilis depýtattary bir mandatty okrýgterden saılandy. Áıelderdiń, erekshe qajettilikteri bar jandardyń jáne jastardyń sany artty. Segizinshi shaqyrylymdy barlyq shaqyrylymnyń ishindegi eń jas parlament dep ataýǵa ábden bolady», - dedi Májilis tóraǵasy Erlan Qoshanov.
Aıta keteıik, Májilis depýtattary óz jumysyn bıylǵy jyldyń sáýir aıynda bastady.
